No CPIP de Castroverde celebramos o Día de Rosalía  coa interpretación musical dun dos seus poemas, o titulado "Alborada"; o alumnado de 1° e 3° ESO leu o manifesto escrito pola Asociación de Escritores en Lingua Galega e fíxose ,nun dos taboleiros de secundaria,unha exposición de poemas da autora galega e de poemas adicados a ela.Ademais nas clases de Lingua Galega léronse e escoitáronse algúns poemas da autora.

O pasado 2 de novembro todo o alumnado da ESO tivo a oportunidade de falar coa autora María Sánchez sobre o seu libro Almáciga, co cal tiñan traballado previamente na clase. A autora tamén lles falou doutros temas como das súas outras obras Tierra de Mujeres e Cuaderno de Campo.

O martes 31 visitaron o noso centro o escritor, Abraham Pérez, e mais o editor de Menino Morreu, Ângelo Pineda, para presentar o libro Sacho de seda. Faláronnos do que significa o fútbol xunto ca súa relación ca nosa realidade e os contextos sociais, foi unha xornada entretida e ben interesante.

Texto: Na materia de Lingua Castelá, estivemos traballando co libro Almáciga da autora María Sánchez. Nel a autora recolle unha serie de palabras do ámbito rural en risco de desaparecer e constrúe así o seu pebideiro de palabras, a súa almáciga. Nós, convidados pola autora, tamén estamos a procurar as nosas palabras-semente.

O próximo 2 de novembro falaremos con ela sobre este tema.

O alumnado de 3° ESO tivo un encontro do Club de Lectura co alumnado do CPI López Suárez de Friol .Xuntámonos  primeiro en Friol. Na biblioteca do centro intercambiamos comentarios sobre a obra que leramos en común : "Instrucións para tomar café' de Núñez Singala. Despois fixemos unha visuta guiada ao Castelo de San Paio de Narla.

O día que nos xuntamos en Castroverde ,fixemos unha visita á Igrexa de Vilabade e á Torre Homenaxe do Castelo de Castroverde e,na biblioteca do centro, o alumnado de ambos os dous centros escenificaron algúns dos relatos da obra lida . Entre os relatos elixidos estaban ,entre outros, "Cocido familiar", "A excursión " ou "Exceso de celo".Ao final da mañá xantamos xuntos na Veiga do Olmo. 

Foi unha actividade que gustou moito. 

Para o curso que vén, organizaremos outro enconto.