Continuamos coa presentación de diferentes exemplos das actividades que fai o noso alumnado na "aula maker" durante os recreos dos xoves e venres en primaria e de martes a venres en secundaria.
Como xa comentamos, durante os recreos é un espazo de creación, estudo e xogo en liberdade, baixo o coidado dunha profesora de garda (e unha coidadora se hai presenza de alumnado que o necesite). As actividades durante o tempo de lecer non son dirixidas polo profesorado, senón que xorden espontaneamente da rapazada. Esta mesma aula é empregada polo profesorado no tempo lectivo para facer actividades co material do programa Polos Creativos, por exemplo, con actividades reguladas. Pero nos períodos de lecer predomina a liberdade creativa.
A profesora sitúa diferentes recunchos de actividades, variándoos de cando en vez para motivar o xogo; pero o alumnado é libre de coller outro material dos andeis, ou realizar outras actividades non previstas en absoluto.
É un espazo de inclusión e convivencia, onde o alumnado de diferentes cursos interactua e establece ou reforza amizades, onde se traballa a coeducación, e se abre a posibilidade de desenvolver actividades que non teñen cabida no currículo habitual e que contribúen a evitar o abandono escolar.
Aquí vai unha escolma de exemplos.

                         DÍA DE ROSALÍA 

O día 23 de febrero celebramos o aniversario do nacemento de Rosalía de Castro. Escritora galega e defensora da lingua, dos dereitos das mulleres, dos pobres...do pobo galego.

Destacan as súas obras “ Follas Novas”, “Cantares gallegos” e “ A orillas del Sar”.

En 3º de primaria comenzamos por coñecer un pouco a súa vida e as súas obras. Despois fixemos unhas postais co seu retrato e un verso moi significativo: “Eu son libre. Nada pode conter a marcha dos meus pensamentos e eles son a lei que rexe o meu destino”.

No seu interior escribimos unha estrofa dalgún dos seus poemas.                                                                                     

PREMER NO ADXUNTO PARA SABER MÁIS

O escritor e sociolingüista galego ,Manuel Núñez  Singala, deu unha charla a todo o alumnado da ESO no salón de actos do CPIP de Castroverde. 

A charla titulouna :"A lingua galega é unha oportunidade".

Falou da riqueza que supón a diversidade lingüística, dos condicionantes que hai á hora de elixir o idioma que falar, dos prexuízos lingüísticos...