Para conmemorar a Semana da Prensa e mais o 8M o alumnado de 4° levou ás aulas de Lingua Castelá figuras das primeiras xornalistas galegas, moitas delas pioneiras do movemento feminista.

Así mesmo, realizou unha exposición das mesmas que se poderá ver no corredor das aulas de Secundaria.

TERTULIA MATEMÁTICA

O CPI Plurilingüe de Castroverde celebrou o día do número PI (14 de marzo) cunha tertulia dialóxica matemática e outras actividades impulsadas polo departamento de matemáticas do CPI, como murais nos corredores cos primeiros decimais deste número irracional. Na tertulia revisouse a historia de PI e as sucesivas aproximacións e cálculos ao seu valor, as aplicacións en estatística, geodesia, teoría da relatividade, mecánica cuántica, procesamento de sinais e tamén en actividades da vida cotiá de carpintería ou mecánica entre outras. Tamén se visualizou un rap sobre as primeiras 100 cifras deste número e as súas aplicacións.

Esta actividade forma parte das iniciativas pedagóxicas conxuntas que se comparten co CPI As Mirandas de Ares dentro  da fase interautonómica do programa Obseva-Acción.

Na biblioteca celebramos o Día da muller con murais feitos polo alumnado de infantil e primaria e pósters diseñados polo alumnado de secundaria. Ademáis, fixemos unha exposición de libros sobre a temática.

Festexamos o Día da muller e a nena na ciencia cos traballos do alumnado de primaria e secundaria sobre mulleres importantes na historia. Asemade, fixemos unha exposición de libros sobre a temática.