FP Básica en GaliciaSkills

Os alumnos de 1º curso de FPB de Mantemento de vehículos do CIFP VPA:

Nico Canosa Gayoso

Pedro Lagares Costas

Xoel Piñeiro Pérez

Nahim Dopazo Pato

realizaron traballos en equipo asumindo os deberes e cooperando con tolerancia e respecto, para a realización eficaz das seguintes tarefas:

• Fabricar unha peza seguindo un plano, no que teña que medir, trazar, cortar, tradear, roscar e realizar operacións de soldadura, seleccionando as ferramentas, os equipamentos e os utensilios axeitados ao proceso.
• Desmontar, montar, substituír e axustar elementos amovibles externos do vehículo.
• Substituir e axustar un par de elementos do sistema de alumeamento. Comprobar quentadores.
• Executar un mantemento básico do sistema de freos e substituír un pneumático xunto co equilibrado correspondente.

Grazas por representar ao centro!

Parabéns polo traballo realizado! Igualmente grazas aos profesores titores Carlos e Jaime.

Nas seguintes fotografías vemos aos catro alumnos acompañados polos seus titores, despois co Conselleiro de Cultura, Educación, Formación Profesional e Universidades, e co Secretario Xeral de Eduación e Formación Profesional, recibindo o terceiro posto na Competición a nivel de Galicia.

Acompañados polo resto de participantes.

Máis abaixo vemos a Nico e Pedro, e despois a Nahim e Xoel. Nas últimas fotos saen competindo e descansando con algúns dos compañeiros participantes doutros centros de Galicia.