No marco do programa A Ponte, que pretende acercar a oferta e a investigación realizada na USC a centros de ensino secundario e FP, o CIFP Coroso contou coa presenza do catedrático emérito da USC Antonio Regueiro. Na ponencia, titulada "cogomelos comestibles e velenosos de Galicia", Regueiro recalcou as consideracións máis importantes para iniciarnos no mundo da micoloxía: unha correcta identificación da especie, asegurarse moi ben de coñecer aqueles cogomelos máis perigosos e centrarse nuns poucos dos comestibles máis importantes. Unha charla inspiradora por parte dun dos expertos máis recoñecidos no eido a nivel Galicia.