Taller de Coplas de Maio
Enviado por josean o Mar, 04/05/2021 - 00:56Como tódolos anos sacamos adiante o noso Taller de coplas de Maio de onde sacamos adiante en tódolos cursos, unha porrada delas e das que sacamos, as que logo configurarán aquela que cantaremos o primeiro de Maio en Marín.
O fondo do vídeo é moi especial: son os nosos maiores de hai uns anos xa, cantando o que recordaban de nenos. A súa voz reforza a forza transmisora dunha celebración na que participaron coma nós os nosos devanceiros e a cadea segue intacta
Cantamos os maios (I)
Enviado por josean o Lun, 03/05/2021 - 23:51Malia todalas complicacións e dificultades que supuxo a pandemia, e que somos conscientes que facelo fóra do día 1, é un mísero remendo do que ten que ser, non podiamos pasar sen cantar e tan ben como o fixeron os nenos de 6º A
Os nosos armazóns
Enviado por josean o Lun, 03/05/2021 - 23:27Foi unha mágoa, que non puidesemos cumprir coa tradición, e saír cantar o día Primeiro de Maio a Marín, que ese é e non outra a verdadeira TRADICIÓN dos Maios. Polo menos co esforzo de todos, alumnos e pais, conseguimos sacar adiante dous espectaculares armazóns e a nosa Xiana que sempre está presente
Coplas de Maio 2021
Enviado por josean o Lun, 03/05/2021 - 23:20As coplas de Maio e Embarcación que presentamos ao concurso de Santa Cecilia, non son máis co compendio do potente traballo que realizaron os nenos no Obradoiro de Coplas que levamos avante en tódolos cursos. Aqui aparecen recollidas estrofas das coplas dos alumnos de 6º
Embarcación Xiana 2021
Enviado por josean o Lun, 03/05/2021 - 23:10Moito valor había que ter para sen ensaiar facer viable a copla que presentamos ao concurso de Maios este ano. Fixeron máis coplas de barco e tiñan que amosar que eran cantables, a partir da melodía da Carroza triunfal que saíu en 1954.
Festa dos Maios 2021
Enviado por inesduran o Xov, 29/04/2021 - 11:32Traballando nos Maios.
Flores, Pampullos, Fiuncho, Espadaina...
Clasificamos, Cosemos...
Mantemos as tradicións.
V e VI Torneos de Xadrez online CEP Sequelo 2021
Enviado por xose o Mar, 27/04/2021 - 14:34III e IV Torneos de Xadrez online CEP Sequelo 2021
Enviado por xose o Xov, 15/04/2021 - 18:49O xoves, 22 de abril, ás 17:00 comezará o cuarto torneo de xadrez.
Os nenos e nenas que aínda non se rexistraran poden facelo seguindo as instrucións deste enlace.
FAI A TÚA COPLA de BARCO
Enviado por josean o Xov, 15/04/2021 - 17:35Para elaborar este ano a copla do barco imos elixir a MELODÍA que no ano 1954 sacou no día da Ascensión (o 15 de Maio) a única carroza triunfal que saíu pola vila ese día, querendo revivir un vello costume onde os maios saían ás rúas tamen ese día.
A súa estructura esta formada por un RETROUSO de dúas estrofas de 4 versos que se repite intercalada entre as outras tres estrofas do corpo da copla
RETROUSO
1º verso:7 sílabas
2º verso: 7 sílabas
3º verso: 6 sílabas
4º verso: 6 sílabas
Riman os versos pares e os impares van libres.
5º verso: 7 sílabas
6º verso: 5+1 sílabas
7º verso: 7 sílabas
8º verso: 7+1 sílabas
Riman os versos pares e os impares van libres.
CORPO DA COPLA
Esta composto por 8 versos de 8 sílabas nos impares que van libres e de 7+1 nos pares que riman entre eles con este esquema -a-a-a-a ou -a-a-b-b
Lembra que a estructura tématica é identica á do ano pasado.
1.Presentación da embarcación
2. O corpo da copla: relato da vida mariñeira do momento, o seu traballo...
3. A embarcación despídese
Maquetas de Maio
Enviado por josean o Xov, 15/04/2021 - 16:55O ano pasado fomos quen de facelo, este ano seguro que tamén. Participa connosco na elaboración dunha pequena maqueta dun maio. Cando a teñas rematada, entrégalla ao teu titor e poderala ver exposta na semana do 1º de Maio no Museo Torres. Aquí tedes exemplos do que se fixo o ano pasado
II Torneo de Xadrez online CEP Sequelo 2021
Enviado por xose o Mér, 14/04/2021 - 20:07O xoves, 15 de abril, ás 17:00 comezará o segundo torneo de xadrez. Pinchade no enlace para entrar.
Os nenos e nenas que aínda non se rexistraran poden facelo seguindo as instrucións deste enlace.
ACTUALIZACIÓN, xoves 18:00
Rematou o 2º torneo cun total de 17 participantes. Esperamos que no próximo, para o vindeiro martes, día 20 de abril, á mesma hora, poidamos chegar ata 20 xogadores!
Puntos deste torneo
6º curso: BreixoV 3 puntos, Irene 2 puntos e Martín 1 punto.
5º curso: Marcos 3 puntos, Iago 2 puntos e Mateo 1 punto.
4º curso: Abel 3 puntos
3º curso: Raúl 3 puntos
2º curso: Roberto 3 puntos
1º curso: Mael 3 puntos
Profesores: Miguel 3 puntos
Lembrade, o vindeiro torneo o martes día 20, ás 17:00 horas.
Xogos na web El mundo de Milu
Enviado por xose o Lun, 12/04/2021 - 11:50Compartimos un novo xogo que amplía os contidos de "Viaxe ao reino das emocións". Podedes consultalo na web do Mundo de Milu (http://mundodemilu.org/gl/36). Nel invitámosvos a entrar novamente no Aloia, e superar cada unha das probas que vos propoñen o sabio, a rá, as toupiñas...
Outros xogos
I Torneo de Xadrez online CEP Sequelo 2021
Enviado por xose o Mér, 07/04/2021 - 21:01O martes, día 13 de abril, de 17:00 a 18:00 horas, celebraremos o primeiro torneo de xadrez online deste ano 2021, aberto a todo o alumnado do CEP Sequelo, dende 1º a 6º curso. Formará parte dun Campeonato que rematará no mes de xuño.
Para xogar terás que seguir os seguintes pasos:
-
Rexistrarte previamente na web Lichess.org, cos datos:
-
nome de usuario coa forma breixovs10, onde breixo é o nome do neno/a, v e s as iniciais do primeiro e segundo apelido, e 10 os dous números finais do ano de nacemento, neste caso 2010;
-
contrasinal que ti queiras e,
-
dirección de e-mail (necesaria para confirmar a conta)
-
-
Inscribirte no equipo de xadrez Cep Sequelo pinchando neste enlace- (O moderador do torneo terá que aceptar a túa solicitude)
-
Unirte ao torneo. O primeiro torneo será a un total de 6 rondas (partidas), e cada unha delas terá 5 minutos de duración para cada xogador. Unha vez acaben todos de xogar a primeira partida comezará a segunda, e así sucesivamente.
Durante este trimestre organizaremos dous torneos cada semana, que serán os martes e os xoves, de 17:00 a 18:00.
Haberá un gañador en cada curso, de 1º a 6º de primaria.
Moito ánimo e a participar!
ACTUALIZACIÓN MARTES 18:00
Rematou o 1º torneo cun total de 14 participantes. Esperamos que no próximo, para o vindeiro xoves, á mesma hora, poidamos chegar ata 30!
Haberá puntuación para os 3 mellores clasificados de cada curso, 3 puntos para o primeiro, 2 para o segundo e 1 para o terceiro. Iremos actualizando a clasificación ao final de cada torneo.
A táboa de puntuación queda como segue:
6º curso: BreixoV 3 puntos, Irene 2 puntos e Martín 1 punto.
5º curso: Marcos 3 puntos, Mateo 2 puntos e Lara 1 punto.
4º curso: Iria 3 puntos
3º curso: Gabriel 3 puntos
2º curso: Roberto 3 puntos
1º curso: Mael 3 puntos
Profesores: Miguel 3 puntos
Lembrade, o vindeiro torneo o xoves, ás 17:00 horas.
Taller de ecopercusión
Enviado por Anónimo o Ven, 26/03/2021 - 22:20Xa que este ano non podemos ter a clase de música na nosa aula, e as clases de música son dun xeito moi distinto a anos anteriores; os días 16 e 17 de marzo, o alumnado de 5º e 6º participou nun taller de ecopercusión (percusión con materiais de reciclaxe), ao aire libre e con todas as medidas de seguridade a cargo do profesor de percusión Didier Díaz.
Parece ser que fixeron un pouco de ruído, pero despois dos primeiros compases de ensaio soaban estupendamente e foron a envexa de todo o colexio.
Aquí vos queda unha pequena mostra de como se desenvolveu a actividade.
O cofre do tesouro
Enviado por xose o Xov, 18/03/2021 - 12:27Cando todos miraron o interior do cofre pídeselle aos nenos que digan que obxecto atoparon dentro. Moitos dirán que atoparon "un espello", pero algún deles, despois dalgunha pista previa dirá que o tesouro era el mesmo, que se viu no espello. Todos os demais irán caendo na conta de que eles son o mellor tesouro.
Podemos rematar comentando a importancia de que somos seres únicos e irrepetibles e iso nos fai ser o máis valioso do mundo.
21 MARZO: DÍA MUNDIAL DA POESÍA "Versos compartidos"
Enviado por Anónimo o Mér, 17/03/2021 - 22:30A UNESCO, no ano 1999 decidiu declarar o 21 de marzo como o Día Mundial da Poesía. Buscábase apoiar a diversidade lingüística e promover a ensinanza da poesía, a tradición oral dos recitais poéticos e darlle visibilidade á poesía como arte de expresión.
No CEP SEQUELO queremos celebralo o vindeiro luns, 22 de marzo mediante a actividade "Versos compartidos"
En cada clase trabállanse un ou dous poemas. Os nenos "maiores" son os padriños lectores dos máis pequenos. Na hora de ler intercambiamos recitados de poemas, gardando, por suposto, as normas do protocolo Covid-19.
No seguinte mural Padlet poremos unha mostra do que imos facer pero está aberto á participación de todos e todas. Dende a casa, dende onde queirades podedes subir as vosas gravacións, vídeos, fotos, textos de poemas propios ou de autor recoñecido. Só tendes que pinchar no + e subir o voso arquivo. Anímate!
O banco da Igualdade
Enviado por Anónimo o Sáb, 13/03/2021 - 21:19Xa temos no colexio o banco que O Concello nos decorou co lema creado por Antía Cordal García, con motivo do Día Internacional da Muller.
Sentidiño no comedor escolar
Enviado por josean o Mar, 09/03/2021 - 18:14O noso comedor da man da monitora Paula convertido nun recuncho non só destinado a alimentar o corpo, senón tamén o espírito. Cada día estes rapaces sorpréndennos pola súa creatividade.
ACCIÓN POÉTICA EN VIOLETA
Enviado por josean o Mar, 09/03/2021 - 03:46Para o 8 de Marzo os rapaces de 6º decidiron organizar a súa propia Acción Poética, desta vez de acordo do día cambiando a estructura da acción, que polo xeral soe ser nun fondo branco. Non podía ser doutra cor que violeta e sobre ese fondo crearon frases de futuro para o día de hoxe, enchéndoas de contido porque eles realmente cren nelas.
Chega a primavera á Horta Escolar
Enviado por Menchi o Lun, 08/03/2021 - 14:15No mes pasado os alumnos de terceiro comezamos a traballar na horta sementando guisantes e plantas nas xardineiras dos patios.
- « primeira
- ‹ anterior
- …
- 29
- 30
- 31
- 32
- 33
- 34
- 35
- 36
- 37
- …
- seguinte ›
- última »
![CEIP SEQUELO RSS Distribuir contido](/centros/cepsequelomarin/misc/feed.png)