Que aprendemos... da danza de espadas
Enviado por josean o Xov, 07/10/2021 - 21:47Logo de todo o traballo que se levou a cabo no colexio, pedímoslles aos nenos que nos dixeran unha ou dúas cousas que aprenderan da nosa danza de Espadas. O resultado aquí o tedes:
Dos personaxes da danza e máis cousas
Enviado por josean o Mér, 06/10/2021 - 21:35Amir, Iván, Lía, Marcos, Andrea, Abel, Ramiro, Aylen, Luis e Iria falannos dos personaxes da danza e de certas cousas que se perderon nela. Un a un van esmiuzando quen é quen na Danza de Espadas de Marín.
Recompilación da proposta San Miguel 2021 "A danza de espadas"
Enviado por Anónimo o Mér, 06/10/2021 - 19:23Este curso empezamos traballando unha das tradicións máis arraigadas no nosa vila a festividade de San Miguel e a danza que se baila nesta data "A danza de espadas".
Foi unha proposta que nun principio partiu da ANPA Aidón, con intención de facelo dun xeito informal, pero que nos veu moi ben para empezar a facer noso o lema elexido para as bibliotecas este curso "A biblioteca escolar ten a palabra", poñendo o foco na palabra e na oralidade.
Así que propuxemos ao noso alumnado que preguntase ao que tiña máis preto, ás fontes orais: avós, pais, amigos, veciños... recollendo toda esta información.
Recuperamos deste xeito a utilización da biblioteca, como lugar de encontro, despois do parón do curso pasado derivado da situación producida pola COVID, e de restreno tras as obras que se realizaron a fin de curso.
O noso agradecemento á ANPA pola súa colaboración e implicación no desenvolvemento das actividades.
Deixámosvos a recompilación de como se desenvolveu toda a proposta.
Decorando o colexio pola Danza das Espadas...
Enviado por inesduran o Sáb, 02/10/2021 - 17:32A orixe da festa de San Miguel
Enviado por josean o Ven, 01/10/2021 - 21:27De maneira "extraoficial" a festa púxose en Setembro, porque alí cadraba San Miguel, pero por moitas outras cousas que tiñan que ver co xeito en que os mariñeiros se ganaban a vida, e así nolo contan Kenia, Antón, Aaron e Noa e aos mandos estiveron Uxía e Aitana de 5º
Danza de espadas: entrevista a Lois Dopazo
Enviado por josean o Ven, 01/10/2021 - 07:42A Radio Sequelo ponse en movemento outro ano mais e para conmemorar o día 29 de Setembro, acude ás nosas instalacións o Presidente do Padroado de Mareantes, Lois Dopazo, que nesta instructiva entrevista cóntanos moitas cousas ao redor da orixe, características e formación da danza de festas e da festa onde se integra.
Bailamos a danza de Espadas
Enviado por josean o Mér, 29/09/2021 - 20:12Moi agradecidos aos tres compoñentes da Asociación "Meigas e Trasgos" e á súa directora Teresa Rodríguez, e aos gaiteiros "Os de Marín", gaiteiros na danza nos 60, que desocuparan un anaquiño do seu tempo para amosarnos como, malia estes tempos de pandemia, se baila a danza de espadas.
Parabéns tamén á pertiguista de son e á operadora de cámara, novas no choio, pola excelente grabación.
A GAITA MÁIS ANTIGA DE MARÍN
Enviado por josean o Mér, 29/09/2021 - 07:45Hoxe, a Gaita máis antiga de Marín, 200 anos ten enriba, a gaita Marañona, propiedade dunha antiga saga de gaiteiros de Mogor quixo estar connosco para celebrar o día; e para o mesmo, trouxo con ela ao gaiteiro de Picuíña, José Gil Dopazo.
Isto foi o que nos contou:
I Campionato de Xadrez CEP Sequelo 2021-2022
Enviado por xose o Mar, 28/09/2021 - 09:13O vindeiro martes, día 5 de outubro, de 16:30 a a 17:30 horas, comeza o primeiro campionato de xadrez do CEP Sequelo neste curso, que rematará no mes de decembro. Este campionato será online e está aberto a todo o alumnado do CEP Sequelo, dende 1º a 6º curso.
Para xogar terás que seguir os seguintes pasos:
-
Rexistrarte previamente na web Lichess.org, cos datos:
-
nome de usuario coa forma breixovs10, onde breixo é o nome do neno/a, v e s as iniciais do primeiro e segundo apelido, e 10 os dous números finais do ano de nacemento, neste caso 2010;
-
contrasinal que ti queiras e,
-
dirección de e-mail (necesaria para confirmar a conta)
-
-
Inscribirte no equipo de xadrez Cep Sequelo pinchando neste enlace- (O moderador do torneo terá que aceptar a túa solicitude)
-
Unirte ao torneo. O primeiro torneo será a un total de 6 rondas (partidas), e cada unha delas terá 5 minutos de duración para cada xogador. Unha vez acaben todos de xogar a primeira partida comezará a segunda, e así sucesivamente.
Durante este trimestre organizaremos dous torneos cada semana, que serán os martes e os venres, de 16:30 a 17:30.
Haberá un gañador en cada curso, de 1º a 6º de primaria. En cada torneo sumarán puntos os 3 mellores clasificados de cada curso, 3 puntos para o primeiro, 2 para o segundo e 1 para o terceiro. Iremos actualizando a clasificación ao final de cada torneo, e podedes consultala no enlace da Clasificación Provisional. Haberá premios para os gañadores/as!!
Moito ánimo e a participar!
Podes seguirnos tamén na aula virtual do centro
I TORNEO, MARTES 5 OUTUBRO ÁS 16:30
II TORNEO, VENRES 8 OUTUBRO ÁS 16:30
TODOS OS TORNEOS NA WEB DE LICHESS, EQUIPO CEP SEQUELO
A danza de Espadas: un exército en movemento
Enviado por josean o Lun, 27/09/2021 - 20:46Es quen de atopar aos "xefes" ou mestres de danza destas danzas de espadas das Rías Baixas e identificar que os diferencia dos demais danzantes?
Aprende ademais o nome do resto dos personaxes que conforman a danza de espadas de Marín.
A Danza de espadas de Marín
Enviado por josean o Lun, 27/09/2021 - 19:28O día 29 de Setembro de moi antigo, foi día grande en Marín. Como co cambio climático e outros cambios na sociedade é difícil poder celebralo cando é lectivo, o noso centro quere celebralo como se merece dentro das nosas posibilidades. Puxemos aos nenos a descubrir os porqués, comos, candos e onde dunha das nosas festas máis tradicionais. Axiña nos chegaron os primeiros traballos como este marabilloso vídeo de Adriana Cambeiro de 2º que foi coñecer de primeira man como se preparaban os danzantes para a festa.
NOTA DA ANPA AIDÓN
Enviado por Anónimo o Lun, 13/09/2021 - 11:21
Neste curso podedes facervos socios da ANPA AIDÓN presencialmente na casa da ANPA os luns, mércores e e venres, en horario de 9:30 a 10:30 e os martes, de 17:00 a 18:00, ou mediante transferencia bancaria á conta de Abanca ES65-2080-5111-1630-4000-1830
IMPORTANTE!:
Cando fagades o ingreso poñer:
- Concepto: Afiliación á ANPA Aidón do CEP. Sequelo
- Nome da alumna/o e curso.
Enviádenos por WhatsApp ao teléfono da ANPA 684340673, unha foto cos datos do pagador (nai/pai/titor/a).
Custo: 18€ por familia.
Porque facerse socio da ANPA:
- Defendemos os dereitos e intereses dos alumnos e as súas familias, somos a ponte que conecta ás familias coa administración.
- Colaboramos co Equipo Directivo do centro nas actividades que se realicen ou nas necesidades que se presenten ao longo do curso.
- Promovemos servizos de conciliación como o Plan Madruga, o comedor escolar e as actividades extraescolares da tarde.
- E ademais obterás descontos en moitos negocios locais de Marín.
ASÓCIATE!
Bolsas e axudas para alumnado con necesidade específica de apoio educativo 2021-22
Enviado por xose o Mér, 08/09/2021 - 00:01O Ministerio de Educación convoca Axudas e subsidios para alumnado con necesidade específica de apoio educativo derivada de discapacidade, trastorno grave da conduta, trastorno do espectro autista ou altas capacidades.
O prazo para solicitar a bolsa remata o día 30 de setembro (xoves).
Podemos obter información sobre a convocatoria no seguinte enlace:
https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html
A solicitude hai que cubrila na sede electrónica do Ministerio de Educación: https://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/deportivas/necesidad-especifica-apoyo-educativo.html
EQUIPACIÓN PARA EDUCACIÓN FÍSICA
Enviado por Belen o Mar, 07/09/2021 - 16:13ÁREA DE EDUCACIÓN FÍSICA
Estimadas familias:
Como sabedes, cada grupo-aula terá 2 sesións semanais de Educación Física.
Estes dous días será necesario que o/a neno/a traia á escola, para poder realizar as sesións, o seguinte material:
-
Roupa deportiva:
-
Chándal, mallas, camiseta,… cómodos.
-
Evitar prendedores no pelo e colgantes cos que se poidan mancar. O pelo longo debe estar recollido cunha goma.
-
-
Calzado deportivo:
-
Calzado deportivo cómodo. De ser posible con velcro, sobre todo no caso de non saber atar os cordóns.
-
Os días de choiva, que iremos ó pavillón deberán traer outro par de zapatillas ou tenis secos e así evitar riscos innecesarios (esvaróns, caídas, golpes,…) e para non raialo nin estragalo.
-
-
Unha mochila ou similar con:
-
Seguindo as Instrucións do Protocolo de adaptación a COVID-19, o uso da máscara será obrigatorio tamén durante as sesións de Educación Física. De maneira opcional, poderase traer unha máscara a maiores para o seu cambio logo das sesións de Educación Física.
-
Toalla pequena para secar a suor ó rematar as sesións de Educación Física.
-
Una botella de auga, xa que é recomendable beber antes, durante e despois das sesións de Educación Física, evitando a deshidratación.
-
Unha viseira, para protexer a vista e a cara do sol, cando as sesións se realicen nas pistas exteriores.
-
Para evitar riscos de contaxio e en cumprimento das normas de seguridade ditadas no Protocolo de adaptación a COVID-19, debido a que actualmente está prohibido utilizar os vestiarios do pavillón municipal, vémonos na obriga de suspender (mentres a situación actual da pandemia o requira) a muda de camiseta despois das sesións de Educación Física.
-
Deste xeito, só se mudará a camiseta en casos excepcionais.
Aínda que o exercicio físico que se practica nas sesións de Educación Física non é de alta intensidade e está adaptado ás capacidades das alumnas e dos alumnos, é importante que a mestra de Educación Física teña coñecemento e estea informada das lesións ou enfermidades que poidan sufrir as nenas e nenos, co fin de evitar actuacións pouco axeitadas e procurar a súa recuperación.
Deste xeito, será imprescindible comunicar as posibles doenzas que poidan sufrir os seus fillos/as, xa sexa de tipo cardiovascular, alerxias, dificultades respiratorias, etc. Nestes supostos, sería aconsellable facernos chegar as recomendacións médicas para a práctica de exercicio físico.
Toda información que nos faciliten será tratada de xeito totalmente confidencial, tal e como se dita na Lei de Protección de Datos e no Protocolo de Protección de Datos editado pola Xunta de Galicia, sendo tratados sómente para os fins anteriormente expostos.
Póñome a súa disposición para aclarar calquera dúbida. Moitas gracias pola colaboración.
Un saúdo cordial,
Ana Belén Mata Vidal
Inicio de curso 2021-2022: horarios e accesos
Enviado por Anónimo o Mar, 07/09/2021 - 10:27Estimadas familias, lembrámoslles que o vindeiro xoves día 9 de setembro comeza o novo curso. Dámoslles a benvida e deixamos os horarios de entradas e saídas.
Os grupos de 1º, 3º e 5º cursos entrarán ás 9:00 e sairán ás 14:00.
Os grupos de 2º, 4º e 6º entrarán dez minutos máis tarde, é dicir, ás 9:10 e sairán ás 14:10.
Como excepción, no caso de que dous irmáns teñan horarios distintos poderán entrar os dous de 9:00 a 14:00.
Un saúdo e moito ánimo para este novo curso.
GRUPOS |
HORA ENTRADA |
ENTRADAS/SAÍDAS |
HORA SAÍDA |
6º A |
9:10 |
Entrada principal esquerda |
14:10 |
6ºB |
9:10 |
Entrada principal esquerda |
14:10 |
5º |
9:00 |
Entrada principal esquerda (lateral esquerdo) |
14:00 |
4º |
9:10 |
Entrada traseira (lateral dereita) |
14:10 |
3º |
9:00 |
Entrada traseira (Aula de Música) |
14:00 |
2ºB |
9:10 |
Entrada traseira patio das columnas |
14:10 |
2ºA |
9:10 |
Entrada traseira patio das columnas |
14:10 |
1º |
9:00 |
Entrada principal dereita |
14:00 |
Material 3º EP curso 2021-22
Enviado por Anónimo o Lun, 06/09/2021 - 22:32Benvidos ao novo curso escolar! Aquí vos deixo a listaxe do material para o presente curso.
Un saúdo.
A titora: Mª del Carmen Martínez Arranz
MATERIAL DE 3º EP CURSO 2021-22
Aplicando a normativa sobre covid os nenos e nenas teñen que traer un pequeño kit (neceser) que conteña dúas máscaras (unha posta e outra de reposto), un xel hidroalcólico e un paquete de panos de papel.
Cada neno e nena debe traer a súa botella de auga co seu nome e todo o material debidamente etiquetado co seu nome.
LISTAXE DE MATERIAL:
- 4 libretas de dobre pauta ancha (4mm.) tamaño folio con grampas (non espiral)
- 1 libreta cuadriculada tamaño folio con espiral
- 2 lapis staedler Noris nº 2 HB
- 2 bolígrafos azul tipo bic
- 1 afilapis con depósito
- 2 gomas (Milán, nata ou similar)
- 1 pegamento stick pritt (mediano)
- 1 tesoira de punta redondeada
- 1 portafolios de plástico con broche
- 1 carpeta tamaño folio con gomas
- 1 regra de plástico duro ancha de 20 m.
- 1 semicírculo (transportador de ángulos)
- 1 estoxo non metálico de cremalleira
- 1 caixa de ceras duras (mínimo 12 cores)
- 1 caixa de rotuladores (mínimo 12 cores)
- 1 compás
- Axenda escolar
- Dicionarios de lingua galega e lingua castelá
MATERIAL PARA CLASE DE MÚSICA:
- carpeta tamaño folio
- libreta de pentagramas anchos
MATERIAL PARA CLASE SE INGLÉS:
- sobre de plástico tamaño folio con velcro
- 1 tubo de pegamento
- block de cartolinas de cores
- libreta con espiral tamaño folio de dobre pauta
MATERIAL PARA CLASE DE RELIXIÓN:
- 1 libreta de pauta ancha (4mm.) tamaño folio con grampas (non espiral)
NOTA: o material do curso pasado que esté en bo estado serve para este curso.
REUNIÓN NAIS E PAIS ALUMNOS DE 1º CURSO
Enviado por Anónimo o Ven, 03/09/2021 - 21:18Algúns xa coñecedes o colexio e para outros é a vosa primeira vez; a todos benvidos e grazas por confiarnos os vosos fillos e fillas. Cada vez que se empeza unha etapa educativa sempre leva consigo ilusión, esperanza, pero tamén algúns nervios e incertidumes. Un colexio novo, profes novos e novos compañeiros agárdannos á volta da esquina.
Para darvos a benvida e falar dalgúns aspectos da organización escolar deste curso 2021-2022 gustaríame que asistirades á seguinte REUNIÓN TITORIAL:
DÍA: MARTES, 7 DE SETEMBRO DE 2021
HORA: 11.30
PATIO DE COLUMNAS DO CEP SEQUELO
Agardando que poidades asistir recibide un saúdo de,
Ramón Pastoriza (Mestre titor de 1º)
Utilización dos servizos de Comedor e Plan Madruga para o curso 2021-2022
Enviado por Anónimo o Mar, 31/08/2021 - 10:24Información para as familias que vaian a facer uso do Comedor e/ou Plan Madruga
PLAN MADRUGA
Precisaríamos que o notificasen por correo ou WhatsApp á ANPA: 684 34 06 73
PARA COMEDOR
Este curso é unha modalidade nova que se fará a través dunha App.
Para descargar a App poden visitar a web colechef.com onde vos redirixirán a Google Play ou á App Store (segundo sexan os vosos dispositivo, para poder facelo) ou tamén, a través do código QR incluido na carta, poden descargar a app colechef dun xeito doado e rápido.
Colexio: CEP SEQUELO
Código de centro: ESKRLOHF49
Para máis información poden consultar a carta coas explicación no arquivo adxunto.
LISTAS DEFINITIVAS DO FONDO SOLIDARIO DE LIBROS DE TEXTO
Enviado por Anónimo o Ven, 09/07/2021 - 13:14Estimadas familias do alumnado de 3º e 4º EP:
Xa poden consultar as listaxes definitvas do Fondo Solidario de Libros de Texto no taboleiro situado no interior do colexio, a carón da entrada principal, ou ben chamando aos números 886151325 ou 886151327 (non existen variacións con respecto ás listaxes provisionais).
Un cordial saúdo,
Rafael Martínez Martí, director
- « primeira
- ‹ anterior
- …
- 26
- 27
- 28
- 29
- 30
- 31
- 32
- 33
- 34
- …
- seguinte ›
- última »
![CEIP SEQUELO RSS Distribuir contido](/centros/cepsequelomarin/misc/feed.png)