CEIP SEQUELO

ESTA MAÑÁ OS NENOS/AS DE 5º CURSO, POIDERON PRACTICAR ATLETISMO EN PISTA NO CAMPO DE SAN PEDRO: LANZAMENTO DE VÓRTEX, LANZAMENTO DE PESO, SALTO DE LONXITUDE, RELEVOS, CARREIRA DE 500 M E DE 60 M. 

ESTA SAÍDA FOI POSIBLE GRAZAS Ó PROGRAMA XOGADE DO PLAN PROXECTA.

O venres, 4 de febreiro tivemos a primeira das charlas do Plan Director sobre Novas Tecnoloxías en 5ºEP impartida pola Unidade de Participación Cidadá da Policía Nacional de Marín.

A conferencia tratou sobre os riscos de internet, o uso correcto das redes sociais, o perigo de falar a través de internet con descoñecidos, o ciberacoso e, empregando a terminoloxía inglesa, o sexting, ciberbulling, grooming, phishing...

O axente da Unidade de Participación Cidadá deulles tamén moitos consellos para evitar estes riscos, como a creación de contrasinais seguros, non enviar imaxes, nin vídeos, non aportar datos persoais, nin bancarios e comentar cos adultos, nais, pais e profesorado calquera cousa que lles pareza sospeitosa, para poder atallar situacións perigosas, poñéndoo en coñecemento das forzas de seguridade.

Ao finalizar a charla os nenos e as nenas recibiron cadanseu carnet de "policía infantil".

Quédannos pendentes as charlas de 6ºEP, para o 18 deste mes, e outra para familias e profesores o martes 15, dependendo esta última da situación da pandemia.

Dentro das actividades propostas no programa de educación afectivo-sexual "Colexio do Benquerer" dirixido ao alumnado de 5º e 6º de primaria, traballamos na aula a actividade "A máquina do tempo", que trata dos cambios que acontecen durante a puberdade, e que vimos que se dan en catro ámbitos diferentes: físico, emocional, cognitivo e social. Coa axuda do alumnado clasificamos un montón de características diferentes nalgún destes ámbitos sinalados.

Outro ano máis, aínda que sen achegarnos moito,

celebramos o Día da PAZ. 

Curso a curso fomos deixando nos corredores do noso cole,

unha pegada cos nosos desexos de PAZ

Poema pola Paz. 5º

 Para non esquecer que a Paz

ten que durar máis que un día...

                     PAZ                      

Ola. Ao igual que os pequenos do colexio, o alumnado de 6ºA coloreou unha mandala pola Paz e quixeron compartir con todos vós unha mensaxe de paz.

Actividade compartida coa EEI O GRUPO.

Dentro do microproxecto do volcán, os alumnos de 5º, traballaron con distancias, superficies, volumes, tempos, cantidades, pesos, lonxitudes, latitudes..., en resumo, Matemáticas.

Que distancia hai dende Galicia á illa da Palma?

2477,9 Km.

Cal é a latitude e a lonxitude da Illa da Palma?

 Lonxitude:  28° 40′ 60″ Norte, latitude: 17° 45′ 50″ Oeste

Que altura o volcán Cumbre Vieja?

1949 m.

Cando se formou o volcán de Cumbre Vieja?

En 1987

Cando empezou a erupción do volcán?

O 21 de Setembro de 2021

Cantas bocas ten actualmente o volcán?

8 e 2 fisuras

Que superficie da Palma cubriu a lava?

166 Hectáreas

Canto gañou a lava ao mar na illa?

A Palma gañou máis de 28 hectáreas de superficie debido á lava que caeu ao mar.

A que velocidade flúe a lava?

A 4 ou 5 metros por hora

Cantos litros de lava pode conter un volcán?

20.000 millóns de litros

Cal é a temperatura da lava dun volcán?

Entre 800ª C e 1200 ºC

Canta lava botou o volcán da Palma?

O novo volcán da Palma xa botou 80 millóns de metros cúbicos de lava.

Canto se ergueu o chan da illa da Palma?

Uns 10 cm.

Cantas casas foron destruídas polo Cumbre Vella?

 1817

Cantos turistas se mudaron a Tenerife?

400

Hai inda cousas que nos quedaron pendentes e que iremos subindo pouco a pouco coma este curtiño programa de radio que sobre as tradicións máis nosas do Nadal elaboraron os rapaces de 5º.

Para a delimitación do perímetro das cidades, os romanos empregaban un arado de bronce tirado por unha xunta de bois conducidos por un “sacerdos”.

A rella marcaba o suco orixinario “sulcus primigenius” onde se debía levantar a muralla, e sinalaba o “pomerium” ou perímetro da futura cidade.

Así imaxinou o ritual para a nosa vila Roberto Carlos Santiago de 5º. Clicade na bandeira para dar comezo ao ritual.

Dentro do microproxecto do "Vulcanismo", que comezou a aula de 5º, por mor da erupción do Cumbre Vieja na illa da Palma, non podían menos que coñecer un pouco da illa, os seus habitantes e costumes

No microproxecto sobre vulcanoloxía, isto foi o que aprenderon os alumnos de 5º sobre os volcáns:  o porque, como, cando, canto...

Dentro do Microproxecto que os de 5º levaron a cabo, motivado por todo o que estaba sucedendo co volcán da Palma, Roberto Santiago Nedea creou esta animación con Scratch onde se vé como a lava crea no mar novos anacos de illa.

Premede primeiro na bandeira e logo no espazo para ver a animación

No primeiro trimestre e dentro do PDI inventos que cambiaron o mundo, os nenos/as de cuarto tocounos investigar sobre o usos da roda. 

HOXE COMEZAMOS CO REPARTO DA FROITA, ATA O VENRES 28 DESTE MES.

OS LUNS: MANDARINA.

OS MARTES: PERA.

OS MÉRCORES: PLÁTANO.

OS XOVES: MAZÁ.

OS VENRES: LARANXA.

Nesta actividade deberon descubrir a identidade dunha gran inventora, Hedy Lamarr. Mediante o uso dun chatbot, que interaccionou coalumnado a modo de informante, obtiveron información e pistas facendo preguntas. Finalmente, cos datos obtidos, deberon realizar unha procura en Internet para descubrir a quen estaban buscando.

E si, descubriron a Hedy Lamar

Este martes comezamos o 2º campionato de xadrez CEP Sequelo deste curso, que durará ata o fin do 2º trimestre, no mes de abril. Terá un total aproximado de 20 torneos.

Desta vez animamos a participar tamén aos pais e nais do alumnado, que deberán rexistrarse previamente na web Lichess.org, seguindo as indicacións deste enlace.

Aquí vos deixo o enlace para a primeira partida, de mañá martes día 11.

E aquí a CLASIFICACIÓN DO SEGUNDO CAMPIONATO (Xaneiro-marzo 2022)

Pincha sobre cada unha das personaxes para ver que sucede

Seguimos coñecendo en quinto máis cousas dos volcáns, e aprendimos que hai volcáns en Europa, Asía, África, América, Oceánía e ata na Antártida.

Papel, cola, un anaco de botella de auga,con paciencia e pintura, fixemos os volcáns do mundo.

O Monte Kilimanjaro (África)

O Popocatépetl (América Central)

Novarupta (Alaska-América do N.)

Bagana (Oceanía)

Monte Fuji Yama (Asia)

Monte Sidley (Antártida)

Aínda que non puido ser un final de trimestre como tiñamos por costume facer ao chegar estas datas, si que puidemos facer unha despedida por todo o alto grazas á colaboración da ANPA AIDÓN, ao Concello de Marín e a todo o profesorado do centro.

Deixamos nestes vídeos un pequeno resumo das actividades realizadas; e aproveitamos para desexarlle unhas Boas Festas e un Próspero Ano 2022 a toda a comunidade escolar.

Vídeo 1: Visita de Papá Noel, Mago Paco, chocolatada, entrega de premios do "Concurso de Adornos de Nadal".

 Vídeo 2: O coro da profe Dona Inés alegrounos a mañá cantando estas panxoliñas.

 Vídeo 3: Entrega dos premios do "Concurso de Tarxetas de Nadal 2021"