CEIP SEQUELO

Rematou o segundo campionato de xadrez do CEP Sequelo deste curso, cun total de 21 torneos, e xa temos a clasificación final e os gañadores, que son:

CLASIFICACIÓN FINAL

Noraboa aos gañadores!!

O pasado día trinta o alumnado de 5º e 6º participou en dous obradoiros musicais dirixidos polo profesor Didier Díaz. "Ecopercussión" para 5º, e "Novas Tecnoloxías na Música" para 6º.

Neste vídeo tendes unha pequena mostra de como se desenvolveron.  

O teléfono vermello inventouse coma un enlace de comunicación directa entre a Unión Soviética (Rusia) e os Estados Unidos para situación moi críticas. Facía moito tempo que o teléfono deixara de ter utilidade, pero semella que nestes momentos se volveu poñer de moda.

Se os nosos alumnos puidesen usalo que lle dirían aos dous bandos? Pois a mensaxe de solidariedade que encerra este poema de Celso Emilio Ferreiro posiblemente sería unha das cousas que lles mandarían.

Nesta actividade aorendimos técnicas de edición gráfica coa ferramenta web Sumopaint, modificando as cores, debuxando ou engadindo novos elementos a unha imaxe para obter unha nova que inclñua sete diferencias respecto á orixinal. Posteriormente, coas imaxes, así obtidas xeramos coa ferramenta "I´m a puzzle" un puzle dixotal que intercambiamos con outros grupos para xogar a completalo e atopar as diferencias.

Deseño de Ceip Sequelo

A Biblioteca no noso centro é corazón e cerebro; nela os nenos, entre outras cousas, atopan e atoparán información para tódolos desafíos que lles propoñamos.  E no que este ano lles propoñemos é que descubran todo o referente a "Inventos que cambiaron o mundo".

Os alumnos de 5º buscando todo o referente ao Teléfono

A súa orixe, o seu desenvolvemento e importancia.

E como en toda investigación seria que se precie utilizando distintas fontes e sinalando logo cales foron esas fontes.

Entre as actividades que a Asociación de Escritores en lingua galega promovía para a celebración o pasado 24 de Febreiro do Día de Rosalía estaba a posibilidade de elaborar Haikus a partir dalgúns dos versos máis recoñecidos da escritora, e isto foi o que conseguiron sacar os nenos de 5º

A través dos teléfonos e por mensaxes de voz os alumnos de 5º envian para celebrar o día mundial da poesía 24 poemas galegos.  O teléfono un dos inventos que axudou a cambiar o destino da humanidade e que estamos traballando no noso PDI.  

Se premedes no "play" do reproductor oiredes a cada un dos rapaces, e se queredes poñelo a pantalla completa premede nos 3 puntos da esquina inferior dereita

Por mor do Día Mundial da Poesía, a Academia da Lingua Galega, decidiu este ano homenaxear ao poeta do Morrazo, Bernardino Graña.  Nós non quixemos ser alleos a esta homenaxe, e cunha pequena representación de cada clase recitamos o seu poema "Canción para ir ao mar de pesca"... máis algo máis.

O Proxecto Documental no que estamos inmersos este ano vai de inventos e inventores. Que dubida cabe que un dos máis grandes inventos da humanidade foi a agricultura e o arado.

Cun moi primitivo Chroma Key elaboramos este video sobre o poema homónimo de Manuel María.

Entrevista a cargo de Abel e Graciela na nosa Radio Televisión que non deixa de ser un pequeno resumo de todo o que nos veu contar José Luis Pereira sobre o seu proxecto solidario de reciclaxe de Bicicletas.  Moi agradecidos pola súa presenza no noso colexio.

O dia 13 de Febreiro celebramos o día Mundial da Radío e malia tela desmontada por mor das obras do centro, os alumnos de 5º foron quen de crear este podcast botando man da gravadora dixital.

Novos desafíos, novas aprendizaxes.  Aprenderon a mesturar audio e música no Adobe Audition utilizando o autoduck, de entre todos os proxectos que presentaron, eliximos este de Aitana.

Imaxinaron unha entrevista con Ángeles Alvariño, unha científica que por mor do microproxecto dos volcáns que levamos adiante, lles é de sobra coñecida.

Hoxe tivemos no centro unha xornada de reciclaxe de bicicletas con fins solidarios coa ONG "Recycling Bicicletas Solidarias". Un proxecto que trata de dar unha segunda oportunidade as bicis que xa non utilizamos, e que ésta ONG se encarga de recoller, reparar e enviar ao continente africano, concretamente a Guinea-Bissau.

Fai anos que esta iniciativa funciona grazas a José Luis Pereira, un axente da Garda Civil, que hoxe estivo con nós e explicounos como xurdiu e como se leva a cabo.

O alumnado do Sequelo contribuíu, aportando as bicicletas que non utilizaban.

Recompilación da proposta "Pensamento a flor de Rosalía" traballada para conmemorar o Día de Rosalía, o pasado 23 de febreiro de 2022.

Conmemoramos este día partindo do proposto pola Asociación de Escritoras e Escritores en Lingua Galega  #SementadePensamentos.

Nesta segunda sesión finalizamos os nosos escenarios creados coa ferramenta CoSpaces, onde agochamos un diamante, que os outros grupos terán que atopar. Logo de intercambiar os netbooks exploramos os escenarios creados por outros compañeiros e compañeiras e trataremos de atopar a xoia.

Entroido

Durante esta semana de entroido,

sen esquecer o PDI "Os inventos que cambian o mundo",

e despois de investigar sobre o lume, a roda, o arado e...

disfrazámonos de inventos ou inventores.

Mirade que enxenio tivemos... 

 Moitas Grazas á ANPA pola chocolatada

e ás filloeiras de Valongo

pola degustación deste postre tan noso.

 Algúns exemplos de creatividade

Creamos os nosos propios mundos de realidade virtual utilizando unha ferramenta online chamada Cospaces que inclúe escenarios e diversos obxectos. Logo, terminamos os nosos diseños e exploramos escenarios creados por outros grupos.

O prazo para presentar solicitudes de admisión para novo alumnado ábrese o día 1 de marzo e estenderase ata o 21 do mesmo mes.

As solicitudes poderán presentarse presencialmente no centro, en Sede Electrónica ou ben a través do seguinte enlace: https://www.edu.xunta.gal/admisionalumnado/

Para calquera dúbida, pódese acudir ao centro educativo ou ben chamar ao 886151325.

Os impresos de solicitude pódense coller no colexio de 9:15 h a 14:15h, tamén se poden descargar premendo aquí: Solicitude  de admisión ordinaria.

DOCUMENTACIÓN

• Copia do DNI  da persoa solicitante e dos membros computables da unidade familiar, cando denegue a súa consulta.
• Documento acreditativo do requisito de idade do/da alumno/a ( Libro Familia, DNI, …)
• En caso de separación ou divorcio, copia da sentenza ou convenio regulador.
• No caso de separación ou divorcio a solicitude terá que estar asinada por ambas/os proxenitoras/es, agás que a patria potestade estea atribuída, con carácter exclusivo, a un deles. En ambos casos, será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.

No arquivo adxunto poden consultar a lexislación que regula o proceso.

PRAZAS VACANTES:

• Primeiro: 18 (3 reservadas para alumnado NEAE)
• Segundo: 10
• Terceiro: 1
• Cuarto: 3
• Quinto: 9
• Sexto: 1

Os alumnos de 5º recitan anaquiños de poemas de Rosalía de Castro por mor do 24 de Febreiro.