CEIP SEQUELO

Esta é a copliña que os nosos rapaces compuxeron para cantar ao Maio

No concurso de contos, que como todolos anos convoca a Asociación Cultural Santa Cecilia, dúas nenas do noso colexio foron galardonadas na súa categoria. Felicidades a elas e ao resto dos rapaces do noso e doutros colexios que coa súa imaxinación encheron a A. C. de historias.

Como na canción cada día somos mais. Ao conxunto dos nosos blogues escolares que temos enlazados a nosa páxina principal unésenos o blogue da profe de Música. Poderedes atopalo nesta direción:

http://descubriendolamusica.blogspot.com

Dentro do Proxecto Lector que estamos levando a cabo, cada certo tempo os alumnos do Primeiro Ciclo están realizando cos seus compañeiros, tanto mais pequenos como mais grandes, sesións de Contacontos. O venres foi o turno de Jonathan, Alberto e Antón, disfrutamos con eles destes dous marabillosos contos, porque non o esquezamos o primeiro de todo é que a lectura serve para pasar un bo rato.

Organizados conxuntamente pola Biblioteca e o Equipo de Normalización Lingüística tiveron lugar onte os I Xogos Florais do Sequelo en lembranza dos orixinais que supuxeron a presenza de Celso Emilio Ferreiro en Marín. Estes son os poemas e debuxos galardonados

Como todolos anos, puntual á sua cita co día das letras galegas acude o Seminario Galán, un conxunto de colexios da Coruña que prepara cada una unha chea de información e actividades relacionadas co homenaxead@ o 17 de Maio.

As actividades están clasificadas por ciclos, e só tes que descarregalas na súa paxina, e van da mais clásica unidade didáctica para poder fotocopiar á actividades Edilim o JavaClic como a que che ofrecimos co Xabarín

Unha actividade realizada a medias entre os dous colexios que colaboramos no Proxecto Xabarín 18: O EEI Monte da Guia de Teis e mailo Cep Sequelo de Marín. Podes xogar directamente dende aquí, inda que para algunha actividade necesitarás minimizar o Lim

Os rapaces de 4º estrean un novo blog e dende a Central, dámoslle a benvida no seu navegar pola rede. Xa están colocados no menú correspondente ao Segundo Ciclo de Primaria

http://osarroacesde4.blogspot.com.es/

E por fin, Producións Mutantes colgou o video da canción Xabarín do 2011 (para nós , eh?) e SORPRESA!!!... algún se decata onde pode estar gravada? Roger de Flor e o Marques das Vinhas andiveron paseandose por...o lago de Castiñeiras

Co gallo do Centenario do Nacemento de Celso Emilio Ferreiro, e o que ten mais relación co noso pobo, o Cincuentenario da presenza do autor en Marín nuns Xogos Florais organizados pola A.C. Santa Cecilia; o Cep Sequelo convoca entre os seus alumnos uns Xogos Florais de poesía e debuxo (para o primeiro Ciclo), que a imitación daqueles que tanto nos seus apartados de lingua castelá como galega gañou o autor de Celanova, terán como tema "Marín e o mar"
A lectura dos poemas premiados, ademais do poema en galego do poeta que someramente reproducimos a continuación e da cantiga medieval de Nuno Treez sobre a Illa do Santo, terá lugar na Biblioteca do Colexio como acto de Celebración do día Internacional do Libro.

Marín de maruxía e veiramar prantada
ardendo no solpor de cada día.
Na ría verdegada co mar cercado de ondas,
Tambo, dorna varada....

(Celso Emilio Ferreiro)

Amablemente o gran Roger de Flor deunos permiso para poñer na paxina web dos dous colexios Xabarin 18 o tema que onte entrou a formar parte do Selecto Clube Xabarín, onte na festa do Xabarín 18. E non só entrou a formar parte, se non que para o meu gusto é das mellores cancións xabaríns da súa historia e a mellor con diferencia dos últimos anos do curricho.

Felicidades e grazas Roger

Dende o Cep Sequelo desexamosche feliz 18 aniversario e que cumpras moitísimos mais. Grazas por estes 18 anos e a cumprir 100  e mais. Este proxecto foi posible grazas aos coñecementos técnicos do profe Miguel e a boa disposición das locutoras da radio-online

Seguimos compartindo actividade co EEI Monte da Guía. Estes debuxos tan chulis de Xabarín atopámolos na web de MIGUEL ANXO PRADO. Hoxe traballamolos no cole, pero  aquí quedan por se queredes pintalos tamén na casa!

Xa somos parte da historia pequena da TVGA e xa queda menos para a maioría de idade. Se queres ler a noticia enteira fai click no enlace:  http://www.crtvg.es/crtvg/crtvgviva/xabarin-celebra-a-sua-maioria-de-idade-este-mercores-na-tvg2#.T4rxC6XXY7w

Espazo normalizador da lingua galega 

Dentro do noso Plan Lector, de a diario, moitos contos están sendo contados e se contarán no primeiro Ciclo e como mostra un botón,,,

A lo menos hai sitios onde se fala menos ca en Marín, é para estar orgullosos

Se queres ver a situación do teu concello fai click no mapa

No Primeiro Ciclo estanse levando a cabo sesións de Contacontos entre os distintos cursos, sirva como exemplo o deste alumno de primeiro que foi a segundo a lerlles este libro.

Nestes días incorporaronse ao cole dúas alumnas novas procedentes da vella Irlanda, e unha delas, Naia achegouse á clase de Inglés dos de primeiro, e facéndose pasar por irlandesa, pasamos un bo rato, mentres lles ensinaba ao resto dos nenos como pedir para ir ao baño. Tamén nos decatamos da sorte que temos ao ter que estudiar dúas linguas tan semellantes e outra diferente; cando nos contou que estudaba inglés e o irlandés, dunhas linguas que non teñen nada en común. Disimulando de marabilla, fíxonos unha estupenda demostración en tres linguas: irlandés-inglés e galego.