O 30 de Xaneiro celebramos o Día da Paz no colexio, para recordar a importancia de vivir nun mundo sen guerras nen conflitos. Todos os alumnos subiron o pavillón vestidos de amarelo, a cor da ledicia e dos xirasois, e bailaron coa canción de Rozalén "Girasoles". Despois encheron unha cortiza cos xirasois que fixeron en cada clase coa letra da canción. O resultado foi espectacular. Podedes ver máis fotos na Galería de imaxes na lapela superior.

O pasado 20 de Decembro celebramos o festival de Nadal no colexio , coas actuacións dos grupos pares do colexio. Desfrutamos do circo cos de 4 anos, co coro das emocións dos de 2º e 4º e as obras de teatro e performances dos de 6º. Fixerono moi ben e recibiron grandes aplausos.Podedes ver máis fotos das actuacións na Galería de imaxes na lapela superior.

O pasado día 24 de Novembro celebramos no colexio o día mundial contra a violencia de xénero. Todos os cursos reuníronse no pavillón e se mostraron carteis coa palabra MULLER escrita en diferentes idiomas. Os alumn@s cantaron a canción "Matriarcas" de Guadí Galego acompañandoa duns xestos e reflexionaron sobre a importancia dunha sociedade igualitaria para todos. Podedes ver máis fotos na Galería de imaxes na lapela superior.

O venres 10 de novembro, celebramos a festa do magosto. Participamos en moitos xogos como o come-castañas, relevos, equilibrio sobre corda e carreira con zancos... mentres preparaban as castañas asadas.

Ao rematar degustamos unhas deliciosas castañas, tiznámonos coas cinzas e pasámolo xenial xuntos os nosos compañeiros/as. Podedes ver máis fotos na Galería de imaxes na lapela superior.

Con motivo da celebración do Samaín, estivemos a traballar unha das emocións máis básicas: o medo. Para iso, e contando coas aportacións das cabazas elaboradas polos nenos e nenas preparamos unha sala do medo, decorada con motivos terroríficos, ambientada con sons... 

A escuras e únicamente coas caveiras iluminadas con velas, o alumnado foi acompañado pola Santa Compaña para facer un percorrido pola sala. 

Ao finalizar os nenos e nenas obtiveron un pasaporte  que simboliza que superou o medo.

Dende a biblioteca, organizouse un recuncho de medo e os maiores do cole amenizaron cuns contacontos de medo durante a pasada semana.Podedes ver máis fotos na Galería de imaxes.

O pasado xoves día 1 de xuño , o grupo de música tradicional galega da fundación igualarte, ofreceunos un magnifico concerto, no que poidemos disfrutar coas cantigas de sempre como a Carolina,a Rianxeira, o Gato e outras cantigas con arranxos feitos por eles.

Dende o cole ofrecemoslle este agasallo. Un pequeno video cos debuxos das nenas e nenos ,co fondo musical dun dos seus arranxos , Vals de Vilanova dos Infantes 

 https://drive.google.com/open?id=0B2GcqC-C0sVgaUVoTjBkVkFIdVE

O martes 23 de maio, os nenos e nenas de 3 anos compartimos unha xornada de lectura co alumnado de 4º do ceip Celso Emilio Ferreiro. Eles contáronnos un conto de Carlos Casares, A formiga Esquiadora e nós, os nenos e nenas de 3 anos fixemos unha adaptación do conto a Galiña azul de Carlos Casares para recitarlle a eles este día que podedes ver no seguinte vídeo.

https://www.youtube.com/watch?v=n6RZCbfirBk

Ademais de pasar un ratiño moi agradable con eles mentres contábannos os contos puidemos desfrutar dunha merende á sombra das árbores e de xogos  no parque. Foi moi divertido!

Podedes ver máis fotos da festa na galería.