CEIP Ramón de Artaza y Malvárez | Muros (A Coruña) - Tlf. e fax 981 82 70 00

PREME NA IMAXE PARA VER AS FOTOS

Participamos na campaña promovida polo Concello para impulsar o consumo responsable e o comercio local. O alumnado de 5º colaborou no video promocional da campaña e o alumnado de 3º e 4º fixo un stand para dar a coñecer a labor voluntaria dos nosos Axudantes Verdes no centro que estará exposto no cine París xunto cunha selección de xoguetes feitos con material de refugallo elaborados polo alumnado de 2º.

Deixamos o programa e convidámosvos a que pasedes por alí.

ENCONTROS CP- INCLÚE 2023

O pasado martes, a Directora e a Xefa de Estudos, en representación do noso centro, estiveron na Cidade da Cultura de Santiago expoñendo as accións especializadas de mellora educativa no ámbito da inclusión que se levan a cabo no noso centro. Un recoñecemento ás boas prácticas que o noso claustro realiza en prol da convivencia e a educación emocional.

X CARREIRA SOLIDARIA DA PISCINA MUNICIPAL

O noso alumnado de 1º elaborou este cartel para convidarvos a participar co nome do noso centro na X Carreira Solidaria da Piscina Municipal de Muros. Hoxe remata o prazo para inscribirse na carreira que se celebrará o vindeiro sábado 18 de novembro.

Preme na imaxe para inscribirte.

INAUGURACIÓN DA NOVA BIBLIOTECA

Hoxe foi un día de alegría e celebración na nosa escola. Logo de tanto traballo, por fin conseguimos rematar a mudanza do Polbo Ramón. Alumnado e profesorado disfrutamos descubrindo cada recuncho da nova biblioteca emocionados pola novidade.

Temos que dar as grazas ao Concello de Muros, ás familias colaboradoras e ao alumnado axudante da biblio. Entre todos/as fixémolo posible!

Cantas aventuras nos quedan por descubrir e disfrutar na nova biblioteca!!