O alumnado de 5º e 6º curso realizou un percorrido polas Bateas da Ría de Vigo a bordo do Nautilus, un aula flotante provista de equipos de alta tecnoloxía, que amosa con gran detalle o noso rico ecosistema mariño.

Ao longo da travesía participaron na obtención dunha mostra de plancto que, posteriormente, visualizaron nunha pantalla xigante a través dun microscopio incorporado na embarcación. Tamén puideron coñecer como se realiza o cultivo do mexillón nas bateas de Moaña e observaron cantidade de especies de fauna e flora do noso fondo mariño, grazas ao robot subacuático Nemo.

A visita foi todo un éxito e unha oportunidade marabillosa para coñecer a riqueza das augas da Ría de Vigo.

Mira o vídeo