O venres pasado participamos na gravación dunha reportaxe para o acto de entrega dos Premios de Desenvolvemento Rural de Galicia, aos que Máis ca leña presentou candidatura. Nese acto van proxectar unha descrición dos proxectos que foron seleccionados e precisaban da colaboración de 5º e 6º, para ver en que consiste o proxecto. Un par de reporteiras estiveron nas nosas aulas e despois levámolas a as diferentes estacións de Máis ca leña e, por suposto, a coñecer ás cabras e aos burros. Aproveitamos, xa que tamén estivo Emilio Saborido, para que nos explicara de novo como son os procesos de extracción da resina dos piñeiros. Grazas, Emilio!