O vindeiro MÉRCORES 9 de NOVEMBRO ás 11:30 horas terá lugar, de forma presencial na Sede Afundación Santiago (R/ Vilar, 19) e online a través de Afundación TV, unha charla para público escolar sobre ADICCIÓN E PERIGO NAS RRSS, que leva por título "SENTIR, ACTUAR E MEDRAR NAS REDES".
Será impartida por Patricia Gómez Salgado, doutora en Psicoloxía e que forma parte do grupo de traballo da Unidade de Psicoloxía do Consumidor e Usuario da USC, onde desenvolveu a súa tese titulada "O uso problemático de Internet e as novas tecnoloxías entre os adolescentes galegos".
Esta actividade está dirixida a estudantes en idade escolar a partir de 5º e 6º de Primaria.
A actividade é libre e gratuíta, previa inscrición.
