Desde a semana do 19 ao 23 de abril ata o vindeiro 18 de xuño, o alumnado do noso centro participará nesta iniciativa que nos achega o equipo de Educación Viaria do Concello de Narón e que pretende promover a chegada ao cole a pé, en bici, patíns, patinete, etc., percorrendo un tramo mínimo de 250 metros.

O pasado mércores 25 de novembro o alumnado de 6ºEP participou, xunto con outros nenos e nenas doutros centros do concello, na VII Marcha ciclista pola igualdade contra a violencia de xénero que, este ano fíxose de maneira virtual.

A actividade consistiu nun circuíto virtual de remudas polo termo municipal, en bicicleta estática, e nun xogo de pistas no que o alumnado debía averigua de que destacada muller galega se estaba a falar e completar un panel.

Para ver a actividade clica na imaxe.

Os alumnos de 5º A e B recibiron unhas charlas sobre educación vial que forman parte das olimpiadas sobre Educación Vial do 2020.