Camiño do Pazo, s/n (Sober) Tfno. 982 87 08 41 e 982 87 08 42.

AS FAMILIAS CONTAN: Familia de Laura Gómez (15/6/2017)

    Para rematar a actividade As familias contan deste curso, hoxe foi a quenda da familia de Laura Gómez. 

     Ela e a súa nai Flora (a profesora de música) foron as encargadas de contarnos o libro O oso e o piano de David Litchfield.
  Laura fixo do pequeno oso tocando o piano, mentres Flora leu a historia dun osiño que atopou no bosque algo que non vira nunca: un piano!
 

   Co tempo, o oso aprendeu a tocar e a súa extraordinaria habilidade converteuno nunha gran estrela. Conseguiu fama, fortuna e toda a música do mundo, pero botaba de menos aos seus amigos e á familia que deixara atrás.

 
 Unha experiencia moi diferente pero tan gratificante
que seguro que repetiremos o próximo ano!

ESTAMOS NO VERÁN - Xoan Cuiriel (14/6/2017)

    Hoxe tivemos no centro a Xoan Curiel para ofrecernos o espectáculo que leva o nome do seu Libro-Disco Estamos no verán.
   Durante esta actuación tivemos tempo para cantar e xogar mentres o autor nos contaba a historia da súa novela.
 
 
Moitas grazas ao Departamento de Cultura do Concello de Sober pola organización deste concierto.

HÉRCULES PASEA CON GLORIA FUERTES - María Carrera (12/6/2017)

 María Carrera é unha contacontos e actriz de Pinga Teatro que nos visitou esta tarde para contarnos o libro Hércules pasea con Gloria Fuertes de Hércules Edidicóns.

 Nesta historia Hércules descobre a Gloria Fuertes cando está recitando poemas coa súa voz ronca nun programa de televisión. Moi contento por coñecela, pasean xuntos e recordan a infancia e a xuventude da poeta á que lle gustaba ir en bicicleta e poñer falda - pantalón con gravatas.
 
Tamén recordamos e cantamos a canción do seu programa de televisión
 
 Unha sesión moi divertida na que os nenos e nenas o pasaron xenial!
 

SCRATCH CON ELÍAS E ROCÍO- Despedida

    Hoxe foi o último día de linguaxe de programación na biblioteca do colexio.
 
   Estivemos programando o Escornabot; cambiándolle parámetros para cambiar a súa forma de moverse e darnos unha idea de todas as cousas que un escornabot pode facer: camiñar máis rápido, andar máis centímetros de cada vez...
     Para rematar estas sesións de programación na biblioteca; entregámoslle a Elías e Rocío un pequeno agasallo para agradecerlles o tempo que voluntariamente e gratuitamente nos adicaron achegando ao noso alumnado os fundamentos da linguaxe de programación.
 
 
MOITAS  GRAZAS!!

EXCURSIÓN A OURENSE (9/6/2017)

    O Concello de Sober colaborou co colexio na excursión que os nenos e nenas de entre 4 e 12 anos fixemos á cidade de Ourense. En concreto, o Goberno local pagou os billetes de tren de alumnos e profesores.

    Saímos en tren da estación de Canabal ás 11:15 horas; onde podiamos ver aos nenos e nenas moi emocionados xa que a maioría nunca viaxara en tren.

   Ao chegar á cidade de Ourense camiñamos desde a estación ata a zona vella, onde nos esperou un guía para visitar a zona turística de Ourense, con parada na Catedral e nas Burgas. Pois xa se sabe que

"Tres cousas hai en Ourense

que non hai en España,

o Santo Cristo, a ponte romana

e as Burgas fervendo auga"

 

     O xantar foi na Alameda e despois tivemos tempo para disfrutar no parque antes de voltar a estación de tren cara Sober.

GALERÍA  DE  IMAXES

EXCURSIÓN A GALIPARK (2/6/2017)

    O destino elexido este ano para a excursión de fin de curso foi Galipark, un parque multiaventuras situado en Padrón. Para que esta excursión se levase a cabo, foi moi importante a aportación económica da ANPA que pagou máis da metade do custo das entradas.

     Ata alí nos desprazamos para disfrutar de moitas actividades:

circuitos de altura e tirolinas,

 

 

 hinchables,

 

paintball Láser-tag,

 

tiro con arco,

   

 piscina e deslizadores acuáticos.

 

Unha excursión moi divertida que podedes ver en imaxes seguindo o enlace:

GALERÍA  DE IMAXES

 

VIDEOCONFERENCIA BIBLIOBN (1/6/2017)

    Hoxe o alumnado do colexio mantivo unha videoconferencia co alumnado da Escola de Educación Infantil Barrionovo (Arteixo).
 
    Nesta videoconferencia comunicámonos coa BiblioBN para compartir experiencias escornabóticas e propostas didácticas.
 
   Representantes do noso alumnado contáronlles a proposta de Infantil B e o xogo que elaboraron para o seu proxecto das abellas, os xogos de expresión oral e escrita, os taboleiros para traballar fonemas en AL, o xogo das familias de instrumentos que inclúe o uso do spinner e o taboleiro para reforzar o significado dos números da CDU.
 
 

    Eles faláronnos da ocupación escornabótica ás familias a través das mochilas viaxeiras, de música, da súa caixa de repostos e ensináronnos cómo funciona o seu Escribabot, unha actividade que seguro que en breve copiaremos porque aos nosos alumnos lles encantou.

   

     Ademais enviáronnos en 3D as letras do noso concello, nunha imaxe que si escaneades desde Aurasma e conectades coa canle bibliobn, ten sorpresa!

    Se seguides o enlace, poderedes acceder a esta experiencia desde o blog da BiblioBN para saber como nos viron eles ao outro lado da pantalla.

 
 
 
MOITAS  GRAZAS  POR  COMPARTIR  CON  NÓS  ESTA  EXPERIENCIA!!

DESPEDIDA ZOË (31/5/2017)

    Hoxe despedimos a Zoë, a auxiliar de conversa en inglés que nos acompañou desde outubro apoiando á teacher do centro.
 
 
 
    Para que leve un recordo do centro, cada alumno fixo un debuxo e un pequeno texto en inglés. Con estas aportacións, fixemos un fermoso libro cheo de moito cariño.
 
     Neste recordo, non podía faltar a biblioteca do colexio e a nosa mascota Lectuvín.
 
    Moitas grazas por todas as túas ensinanzas e boa sorte!
Thank you very much for teaching us so many things and good luck!!  

MOVE FICHA POLA RIBEIRA SACRA: Excursión (30/5/2017)

    Os nosos alumnos de 5º e 6º de Primaria, participaron nas escursións organizadas polo Consorcio de Turismo Ribeira Sacra dentro da campaña "Move ficha pola Ribeira Sacra".

 

   Os colexios pertencentes ao Río Miño, visitaron o Sil; e os do Sil, visitaron a zona do Miño. Por isto, o noso colexio, compartindo excursión co CEIP A Pobra de Brollón visitaron Santa María de Pesqueiras, o pobo de Belesar, o Dolmen de Abuime, o Concello de O Saviñao e a súa biblioteca.

 

 

El Progreso, 31/5/2017

 

XORNADA ESCORNABÓTICA entre bibliotecas Lemos Le

  O Colectivo Lemos Le, organizou unha xornada escornabótica entre bibliotecas escolares da Comarca de Lemos.

    Desde o nosa biblioteca, aportamos as propostas didácticas elaboradas dentro do proxecto piloto da biblioteca para animar aos demais centros a facer escornabóticas as súas bibliotecas.

Distribuir contido