O alumnado de 3º a 6º de primaria acaba de participar na xornada INTER RITMOS: SONS DO RURAL, organizada polo GDR Ribeira Sacra - Courel no noso concello, concretamente na palleira de SolPor CamperPark.

  Neste evento que levaba por nome: Fandango e muiñeira protas de verbena, puidemos aprender moito sobre a esencia da música tradicional galega e o flamenco escoitando a El Farru (bailaor, coreógrafo e cantante) e a Julia (experta en música tradicional galega) nun debate moderado por Patricia Hermida.

   Ademais de escoitar o debate, neste ratiño tamén puidemos escoitar a nosa compañeira Ainhoa cantando A saia da Carolina mentres El Farru, bailaba esta peza galega a ritmo de tanguillo.

  Despois do debate desfrutamos da música de Os Parentes, grupo musical de Sober que realizou unha intervención na que interpretou diferentes cancións tradicionais e populares de Galicia.

GRAZAS  AO  CONCELLO  POR  INVITARNOS  A  ESTE  EVENTO  NO  QUE  APRENDEMOS  TANTO SOBRE  A  MÚSICA  DE  RAÍZ!!

GALERÍA  DE  IMAXES

Infórmase que o vindeiro 18 de outubro ás 12:00h terá lugar o sorteo público para a designación dos membros da Xunta Electoral.

O sorteo realizarase nas instalacións do centro escolar e estará aberto ao público.

Este proceso realizarase conforme ao disposto na normativa vixente.

Todas as persoas interesadas están convidadas a asistir.

SORTEO XUNTA ELECTORAL

DÍA: 18 DE OUTUBRO

HORA: 12:00H.

LUGAR: EDIFICIO ADMINISTRATIVO.

 

 

 

     Pero a experiencia coas setas este ano non acabou aquí senon que ao día seguinte, Juan e Sefa (os nosos cociñeiros) prepararon todos os boletus reticulatus que colleitamos para acompañar o menú do comedor.

   Lembrade que na biblioteca temos moitos fondos sobre setas nos que poderedes ler historias ou contos de cogomelos, pero tamén libros nos que poderedes aprender moitas máis cousas sobre as setas.

 

   Este curso volvemos a participar na Andaina polo Camiño de Inverno que organiza a Asociación Camiños a Santiago pola Ribeira Sacra para dar a coñecer e poñer en valor esta rota xacobea que é oficial desde agosto de 2016.

    Nesta VII edición estableceuse un novo récord de participación xa que nos xuntamos uns 2.000 alumnos e alumnas de diferentes centros da comarca como o CEIP Monte Baliño, o CEIP Rosalía de Castro, o CEIP A Gándara....

 

 Esta actividade foi recollida en diferentes xornais como podedes comprobar a conitnuación:

 

 

Lembrade que na biblioteca encontraredes moitos libros sobre o camiño de Santiago que podedes levar prestados para ter máis información ou pasar un bo rato lendo.

Algúns deles son:

 

 

 

 Podedes ver todas as imaxes desta xornada na

GALERÍA  DE  IMAXES

 

BASES REGULADORAS  PARA  A  CONVOCATORIA  DE  AXUDAS  PARA  A  ADQUISICIÓN  DE  LIBROS  E  MATERIAL  ESCOLAR  DE  ALUMNAS/OS  DE  EDUCACIÓN  INFANTIL (2º ciclo) E  EDUCACIÓN  PRIMARIA  DO  CEIP  P. VIRXE  DO  CARME.

  Adxuntamos as bases da concesión de axudas a familias para a adquisición de libros de texto e material escolar de alumnas/os matriculadas/os en Educación Infantil e Educación Primaria no CEIP P. Virxe do Carme do Concello de Sober.

   No apartado de documentación punto 3, di que se necesita un certificado de matriculación expedido polo centro. Este certificado non é necesario porque xa o enviamos directamente desde o centro.

   As solicitudes deberán presentarse antes do 15 de outubro de 2024.

    O pasado venres 20 de setembro, o alumnado xunto co profesorado do colexio tivo a oportunidade de realizar unha visita moi especial á granxa da Casa da Fonte, organizada pola ANPA dentro do programa “Da escola á granxa” da área de Medio Rural da Deputación de Lugo a través do que se financian visitas de escolares de primaria a ganderías, producións agrícolas ou pequenas empresas de transformación.

   Nesta visita aprenderon de primeira man o funcionamento dunha gandaría e a vida no campo e descubriron o fascinante mundo da gandaría extensiva, onde visitamos as instalacións e a zona de pasto. Alí explicáronnos as razas de gando que habitan na granxa e como se coidan e manteñen estas especies nun entorno natural.

    A seguinte parada foi o galiñeiro despois dun pequeno paseo. Aquí aprendemos todo sobre as galiñas de campo: dende onde poñen os seus ovos ata os coidados diarios que precisan, como o cambio da auga e unha alimentación axeitada.

   Para finalizar a visita, dirixímonos de novo ás instalacións de fabricación e produción de manteiga. Aquí tivemos a sorte de aprender todo o proceso de elaboración deste produto tan esencial na nosa alimentación. Mostráronnos como se fai a manteiga, explicando a importancia de lavala, darlle forma e, por último, envolvela. Ademais, cada un de nós puido elaborar a súa propia manteiga para levar un recordo moi doce e agradable desta experiencia inesquecible.

  Foi unha xornada chea de aprendizaxe e diversión, onde o contacto directo co medio rural nos permitiu coñecer máis sobre o coidado dos animais e os produtos que consumimos a diario.

MOITAS  GRAZAS  Á  ANPA  POLA  ORGANIZACIÓN  DESTA  VISITA!

GALERÍA  DE  IMAXES

Bo día, achegamos a relación de material que solicitamos para o alumnado para o vindeiro curso.

MATERIAL  ED.  INFANTIL

MATERIAL 1º CURSO

MATERIAL 2º CURSO

MATERIAL 3º CURSO

MATERIAL 4º CURSO

MATERIAIS 5º E 6º CURSO

   Estimadas familias:

  Este curso comezaremos as clases o MÉRCORES día 11 no horario habitual (9:45 - 15:45), os servizos de transporte e comedor funcionarán con normalidade desde o primeiro momento para todo o alumnado.

    Tamén estará dispoñible desde o primeiro día o servizo de concilia xestionado polo Concelo de maneira gratuíta para o alumnado que o desexe utilizar.

  Para aclarar diversos aspectos pedagóxicos e organizativos fundamentais para o desenvolvemento deste curso convocámosvos a unha reunión coas titoras e cos tirores correspondentes no seguinte horario:

      INFANTIL: mércores día 18 ás 16:00 horas.

      1º e 2º PRIMARIA: martes día 17 ás 16:00 horas.

      3º e 4º PRIMARIA: martes día 17 ás 16:30 horas.

      5º e 6º PRIMARIA: mércores día 18 ás 16:00 horas

   Esperamos que o noso alumnado veña con entusiasmo, con moita ilusión despois de todo o verán e cun montón de ganas de aprender cousas novas.

Estámosvos esperando... Benvidos!!

    Fai 50 anos abría as súas portas o colexio Virxe do Carme de Sober, o noso cole, coa finalidade de acoller ao alumnado de Sober e ao de todas as escolas unitarias do concello.

    Despois destes 50 anos reunímonos no pavillón do colexio máis de 250 persoas entres as que nos atopabamos alumnos, ex-alumnos, mestres, ex-mestres, pais, nais, autoridades e moitas máis persoas que quixeron conmemorar esta data.

     Esperamos que todos o pasarades ben e que as emocións, os reencontros, as anécdotas e as lembranzas foran fermosas compañeiras deste xantar. Nós cremos que ademais das aprendizaxes curriculares, os lazos que se forman entre os membros da comunidade educativa tamén son moi importantes e polo que puidemos vivir neste xantar, os lazos desta comunidade son moi fortes.

    Desde o centro queremos dar as grazas a todos os que participastes nesta xornada:

- ás autoridades educativas que nos acompañaron: D. Pedro Gómez e D. Federico Pérez, ex-inspectores do colexio, e Dna. Sagrario Sánchez, Xefa territorial de Educación de Lugo

- ao Concello e ao alcalde, D. Luis Fernández, pola súa axuda na organización e pola animación musical a cargo de Rafa Aguiar

- á ANPA do colexio polos inchables que fixeron disfrutar aos máis pequenos

- á imprenta Chuzos de Monforte que nos agasallou coa lona que presidía o xantar

- a todos os asistentes por lembrar con cariño o seu paso por este centro e decidir compartir con nós este momento

- e, especialmente, a todas as familias que nos escolledes como centro educativo para os vosos fillos e fillas.

Esperamos que poidamos volver a reunirnos dentro de 10 anos pero mentres tanto...

aquí tenéis un enlace ao álbum coas imaxes da xornada

 GALERÍA  DE  IMAXES

 E se alguén ten imaxes deste xantar ou do seu paso polo centro e quere compartilas con nós para seguir aumentando o fondo fotográfico do colexio, podedes envialas ao seguinte correo:

biblioteca.virxedocarme@gmail.com