CEIP Víctor Sáenz

O DÍA DE ROSALÍA DE CASTRO, celebrámolo no cole cunha serie da actividades fantásticas realizadas nas diferentes titorías e das que vos deixamos eiquí as seguintes:

• Podcast en Radio Rosiña dos nenos e nenas de infantil de 4-5 anos da clase da mestra Patri. Picando no podcast, escoitaredes o audio a través do Blogue da Biblioteca.
  
• Vídeo coas cancións das diferentes titorías, para lembrar a esta gran escritora, Rosalía de Castro.

A normativa que rexe o PROCESO DE ADMISIÓN e o Decreto 13/2022, do 3 de febreiro, a Orde do 21 de outubro de 2022 e a Orde do 26 de maio de 2023.

Os prazos de entrega son:

RESERVA DE PRAZA, CAMBIO DUN CENTRO A OUTRO A QUE SE ESTEA ADSCRITO do 16 de xaneiro ao 6 de febreiro.

RESERVA DE ADMISIÓN do 1 de marzo ata o 20 de marzo.

O Proceso de reserva de praza e de admisión poderase facer telemáticamente a través da aplicación Admisión Alumnado da Consellería de Educación onde poden tamén descargar as solicitudes ou recollelas e entregalas no propio centro.

Unha vez rematado o prazo para presentar solicitudes de admisión de novo alumnado para o curso escolar 2024-2025, informaremos sobre as solicitudes que foron admitidas. Do 20 ao 30 de xuño, será o período de formalización de matrícula.

O primeiro día de clase que fixo algo de bo tempo foi o xoves día 18 de febreiro, á volta das vacacións de Entroido, e decidimos no recreo "QUEIMAR O MECO", co fin de que todos os males se foran moi lonxe. Picando nas fotos veredes algunha máis de ese día.

A partires da semana que ven dende o luns día 8 de febreiro, e ata o venres día 12 de febreiro, celebraremos dentro das posibilidades que a pandemia nos permite o ENTROIDO 2.021. Así o Meco mándanos vir con algunha cousa a modo de disfraz cada día da semana. Para ver que toca traer cada día pica na imaxe. Picando nas fotos poderedes ver moitos máis disfraces¡¡¡¡

O venres 29 de xaneiro celebraremos no colexio o DÍA INTERNACIONAL DA PAZ. Levaremos a cabo diferentes actividades ademáis de unirnos como centro colaborador á proposta da ONG Save the Children, que a través da súa Carreira Kilómetros de Solidariedade recauda cartos para colaborar con países que se atopan en situacións complicadas. Este ano adican a Carreira á República Democrática do Congo. Tedes máis información no Blogue da Biblioteca.

Este curso escollimos como símbolo da paz e dentro do noso proxecto sobre as aves "MAZARICO LE CO PICO", a GRÚA. Se queredes máis información sobre este paxaro, picade no nome. Picando nas imaxes poderemos ver máis fotos de esa celebración.

Para despedirnos deste primeiro trimestre deste curso tan raro, dende a Biblioteca do centro e as titorías, coa colaboración de todo o alumnado, mestres e demáis persoal do centro, ocurríusenos a idea de gravar un video para felecitarvos estas festas. É a través dunha canción de Iván Vale con linguaxe de signos. Grazas a todos/as por participar nesta iniciativa. Eiquí tedes o resultado.

O luns día 21 de decembro tivemos no comedor do cole, e baixo todas as medidas de seguridade, a actuación de Ian e Elisa co seu espectáculo "THE VISUAL MENTALIST 2 MINDS", onde coa maxia, os contos e as sombras chinesas, fixeron a delicia de tódolos nenos. Picade AQUÍ para ver as fotos de ese día.

Temos boas novas para toda a Comunidade Educativa do C.E.I.P. Víctor Sáenz para comezar este mes de decembro. Xa remataron as obras de colocación dunha MARQUESINA de acceso ao patio, co fin de que o alumnado non se molle os días de chuvia cando baixa aos patios cubertos. A verdade que quedou super chula¡¡¡¡¡¡¡¡¡ Agora a disfrutala.

Seguindo as instruccións en materia de Saúde Pública, as recomendacións sanitarias e os derradeiros Protocolo de Adaptación ao contexto da COVID19 nos centros de ensino non universitario de Galicia para o curso 2020-21, actualizamos o noso Protocolo de Adaptación ao contexto do COVID 19. Foi elaborado coas propostas do profesorado, presentado no claustro e no Consello Escolar. É un documento vivo, é dicir, é susceptible de cambios a medida que a actividade educativa nos vaia aportando información. O Protocolo está completado con anexos, entre eles o Plan de Continxencia, o Protocolo de Limpeza e o Plan de Acollida.

En relación ao COVID 19, no enlace, aparecen novas actualizacións e/ou publicacións sobre o Protocolo de Adaptación ao contexto da COVID 19 nos centros de ensino universitario de Galicia para o curso 2020-21 e anexos que aparecen no portal da Xunta.

https://www.edu.xunta.gal/portal/familiasealumnado/medidas-coronavirus

O venres día 30 de outubro, celebramos o SAMÍN no cole. Foi diferente ao doutros anos pero aínda así mereceu a pena adicarlle toda a xornada a unha das actividades que máis nos gustan. Durante a mañá, nas diferentes aulas léronse e contáronse historias relacionadas co medo, realizamos un obradoiro de música e preparamos petiscos terroríficos para comer antes do recreo. Tamén fixemos actividades de plástica, por grupos e nas diferentes aulas, mantendo en todo momento os agrupamentos de convivencia no colexio.

Ao mediodía, antes de xantar, entregamos os premios ás CABAZAS máis votadas polo alumnado, e tamén aos relatos de medo, no que xa imos pola X Edición. En canto ás cabazas, a participación foi moi elevada. Ademáis de participar na súa elaboración toda a familia, despois tiñan que enviala a través dunha foto para o concurso. As gañadoras foron: 1º Alicia Alvite Ramos (3º E.P.); 2ª foi Sofía Mourelle San Martín (INF-4); e 3ª a cabaza de Sara Labandeira Gerpe (5º E.P.).

Houbo tamén unha "Mención da honra" para a cabaza presentada por Daniel Ínsua Moldes (1º E.P.) que tamén tería que estar entre as premiadas por ser unha das máis votadas, pero como é norma no centro, tentamos que cada ano leven premios persoas distintas, aínda así como as súas votación foron tantas, decidimos telo en conta e entregarlle un diploma e un agasallo. Dani ese día non poido asistir ao cole polo que recolleu o premio a súa titora Sonia.

Tamén se entregaron os premios aos Relatos de Medo. En Infantil presentaron un conto en cada aula, e así obtiveron dous diplomas e dous agasallos para toda a clase: un para o alumnado de Infantil de 3-4 anos, e outro para Infantil de 4-5 anos. Premendo nas imaxes poderedes descubrir as súas terroríficas historias.

En canto a Educación Primaria, outorgáronse catro premios: 

Na aula de 1º e 2º, Olalla Suárez Grille. 

En 3º e 4º, Íker Freire Cambeiro. 

En 5º e 6º, o premio foi para Brais Carreira Antelo.

Tamén se concedeu un "Premio Especial" a Alejandro Villar Negreira, quen presentou unha historia creada por el na aula de P.T.

AXUDAS PARA LIBROS / MATERIAL ESCOLAR

CURSO 2020/2021

PRAZO: de 19 de maio ao 19 de xuño (ambos inclusive)

Está aberto o prazo para a participación no fondo solidario de libros e para solicitar axudas para adquisición de libros de texto e material escolar.

Pode facer a solicitude a través da sede electrónica https://sede.xunta.gal ou presentado a documentación no centro.
 

Para facilitarlles a xestión, no centro están os impresos de solicitude á súa disposición.

Cando veñan a realizar as xestións para esta convocatoria, tanto a recoller os impresos como e entregalos, deben respetar as normas sanitarias.

Para o cálculo da renda per cápita:

Declaración de renda do ano 2018. Suma das casiñas 435 e 460.

Nos seguintes enlaces poderá vostede informarse da normativa e poderá descargar os impresos de solicitude:

ENLACES

-Impresos de solicitude: https://sede.xunta.gal/doc-invia/rest/anexos/23300466

-Circular informativa ás familias-resumo normativa https://drive.google.com/open?id=1Xwbd4McI14l2Xxny4aG2aAYiiCqvpV5K

-Convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2020/2021: http://www.edu.xunta.gal/portal/fondolibros

Documentos que debe presentar:

·         Impreso de Solicitude

·         A outra documentación necesaria, de non tela no centro, xa lla solicitaremos

Horario de SECRETARÍA de 10:30 a 13:30 horas

TEDES NESTA PÁXINA UNHA SERIE DE ACTIVIDADES E XOGOS DE EDUCACIÓN FÍSICA PARA FACER NA CASA.

PICANDO NAS IMAXES TEDES OS ENLACES DESTAS ACTIVIDADES.

ESPERO QUE O PASEDES BEN. UNHA APERTA¡¡¡¡¡¡¡¡

Restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos para o curso académico 2020/2021.

Restablecese o prazo  para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio e rematará o día 18 do mesmo mes. EXCLUSIVAMENTE PARA A REALIZACIÓN DESTE TRÁMITE, o  centro permanecerá aberto de luns a venres de 10:00 a 13:00 h.

Prégase a toda persona que se achegue ó Centro para a entrega de documentación cumpra coas medidas de seguridade e protección contra o Covid-19 establecidas pola Consellería de Sanidade.

O xoves día 5 de marzo, fomos todo o colexio de excursión a Santiago para ver no Auditorio de Galicia unha proposta musical e teatral, interpretada por Lydia Botana, autora deste espectáculo. "De aquí para alá" da Asociación Cultural Tres por Cuatro é un proxecto de música infantil no que se viaxa arredor do mundo aprendendo, escoitando, bailando e cantando as músicas de cada lugar facendo fincapé na procura de novos sons. Cóntanos, a través da música, a historia dunha bolboreta que vai polo mundo na procura de algo que faga feliz ó seu novo amigo Gali, un neno que vive en África e está moi triste.