CEIP Víctor Sáenz

Un ano máis a Campaña Mundial pola Educación (CME) invitounos a asistir ao Acto organizado no PARLAMENTO DE GALICIA. Este ano o tema da campaña versou sobre o Discurso de Odio entendido como toda forma de expresión que difunda, incite, promova ao xustifique o odio racial, ou outras formas de odio xurdidas da intolerancia e que socavan a Democracia, a estabilidade social, a paz e a diversidade cultural e o pluralismo. Así o noso alumnado de 5º e 6º de primaria acudiu á cita cun discurso de 3 minutos, nos que expoñían a súa investigación sobre as RRSS e a saúde mental.

Un ano máis celebramos no cole "OS MAIOS". Uns días antes desta celebración, solicitamos ás familias que enviaran ao colexio prantas, ramos, frores, fentos, etc... para que ese día fixeramos o noso MAIO. Verdadeiramente quedou fermoso coma tódolos anos. Logo cantamos varias canción arredor do maio, para rematar a celebración.

Durante o mes de maio, dende RADIO ROSIÑA, leváronse a cabo unha serie de entrevistas, para coñecer un pouco máis polo miúdo ao noso persoal de cociña e de limpeza. Así entrevistaron a Sheila, Mariví e Fabiana, que falaron un pouco do seu día a día no cole e a labor que desempeñan. Grazas por todo¡¡¡¡

Tivemos no centro o día 3 de maio de 2024 a visita dos responsables de STOP ACCIDENTES, que fixeron actividades e visualizaron vídeos, todo a través de 3 talleres para todo o alumnado do centro. Estos talleres eran de sensibilización e seguridade vial.

O vogal do CPEIG IVÁN LUÍS VÁZQUEZ, participou o día 25 de abril nun programa de Radio Rosiña, sobre o uso das Redes Sociais, dispositivos electrónicos e a súa relación coa saúde mental a través dunha videoconferencia co alumnado de 5º e 6º de primaria. Deunos unha serie de recomendacións para facer un uso responsable das RRSS no marco do Programa Navega con Rumbo.

O martes, día 23 de abril pola tarde, celebramos o DÍA DO LIBRO. Fixemos unha actividade chamada "AMADRIÑAMENTOS E APADRIÑAMENTOS LECTORES" consistente en que o alumnado dos cursos máis altos lle lea varios contos ao alumnado dos cursos máis baixos en calque lugar do centro. Posteriormente lector e oínte fixeron un debuxo acerca do contido do conto lido!!! Unha estupenda tarde de lectura!!!

O día 22 de abril, pola mañá, tivemos a sorte de contar no centro con Alfonso Barreiro Carreño, que de 11:00 a 12:30 fixo un Taller sobre o Cómic e a Ilustración para o alumnado de 4º, 5º e 6º de primaria, que se enmarca no proxecto do CLUB DE LECTURA que temos no centro. Todo un descubrimento e algo moi novedoso para o alumnado!!!

O Día 16 de abril tivemos un "Obradoiro sobre a violencia e a creación de espazos seguros para a infancia e a adolescencia", a través da POIG (Plataforma Organizativa da Infancia de Galicia) para o alumnado de 3º, 5º e 6º de Primaria. Nestes obradoiros de aproximadamente 2 horas, traballouse con grupos temas como Os Dereitos da Infancia, a non violencia e a nova Lei de Infancia (LOPIVI).

O xoves día 21 de marzo, celebramos no cole o DÍA DA POESÍA. Fixemos unha actividade, nas aulas, que consistía en que cada neno e nena elaboraba unha poesía propia ou dun autor e a ilustraba do mellor xeito posible. Logo se enrolaban a modo de "papiro" e se introducían nunha urna que estaba ubicada na Biblioteca. No recreo todo o alumnado do colexio, colleu da urna unha poesía, que non fose a súa, para levar de recordo para casa de este día tan fermoso.

A Consellería de Cultura, Educación, Formación Profesional e Universidades publicou recentemente o Plan Integral contra o acoso e ciberacoso escolar, así como a actualización do Protocolo educativo para a prevención, detección e tratamento do acoso escolar e ciberacoso. Unha das medidas foi a instalación nos centros do PUNTO LARANXA, un espazo físico onde calquera persoa poderá denunciar de xeito anónimo unha situación deste tipo. O Plan e o Protocolo, así como o punto laranxa, xa están tamén dispoñibles na nosa páxina web.

O martes día 27 de febreiro en horario de mañá, celebrouse no Circuito Estadio Municipal de Fútbol Julio Mato "Matito" en Noia a FASE INTERCOMARCAL DE CAMPO A TRAVÉS en idade escolar. A esta cita acudiron cerca de 60 centros escolares e 750 nenos e nenas aproximadamente que pasaron unha maravillosa xornada deportiva. Do noso centro clasificáronse para esta fase 7 alumnos/as (Valeria, Martiño, Álvaro, Izía, Paulina, Víctor e Lucía) de distintas categorías. Disfrutaron e pasárono xenial co resto de participantes que alí atoparon. Para o ano que ven, "máis e mellor".

Levamos a cabo o mércores día 21 de febreiro unha actividade coa dietista-nutricionista e farmacéutica NATALIA HOSPIDO, especialista en alimentación complementaria, nutrición infantil e educación alimentaria, a través do seu proxecto "NUTRICOLES". Durante toda a mañá traballou diferentes aspectos nutricionais cos diferentes grupos de alumnos. Así ao alumnado de Infantil contoulles un conto "María ¿que color comes?" de Noelia Caballero e elaborou, coa inestimable axuda das cociñeiras do cole, unha tosta de aceite e allo morado das Pedroñeras para que o alumnado de infantil probara o sabor deste peculiar alimento. Cos de 1º, 2º e 3º de primaria traballou a elaboración dun plato saudable e a elaboración de menús equilibrados, E cos maiores traballou sobre o etiquetado dos alimentos. Unha mañá chea de sabores saudables!!!

A través da convocatoria de Radio na Biblio e cos cartos que nos foron concedidos, contratamos a Santiago García Nieto para dar a Formación de Radio para o alumnado de Infantil e 1º e 2º de ed. primaria, xa que o resto de primaria xa ten Formación de Radio a través da ONG Ayuda en Acción. Así tiveron o primeiro contacto os días 15 e 16 de febreiro. CONTINUARÁ...

E xa para rematar o Entroido, levamos adiante a QUEIMA DO MECO, o 1º día de bo tempo, para queimar as malas cousas que pasaron neste ano que deixamos atrás. Ata o vindeiro Entroido!!!

O venres día 9 de febreiro e debido ao mal tempo, decidimos facer o DESFILE DE ENTROIDO no pasillo do centro. Por el desfilou todo o alumnado cos seus maravillosos disfraces confeccionados nas titorías e relacionados coa temática do Proxecto Integrado de Centro "A vida saudable": así os de infantil iban de espantallos; os de 1º e 2º iban de enfermeiros e enfermeiras; os de 3º e 4º levaban máscaras representativas de froitas e verduras, moi ben elaboradas, a similitude de Giuseppe Arcimboldo, pintor italiano, coñecido sobre todo polas súas representacións manieristas do rostro humano a partir de frores, froitas e plantas.; e os de 5º e 6º de médicos con todo o instrumental necesario. Ao ritmo da música do Entroido desfilamos, cantamos e bailamos toda a mañá. Como colofón á festa todo o centro acompañados polo mestre de música Óscar (á guitarra) nos deleitaron coa canción "Teoloxía" da Orquestra de Valdeorras.