Como ben sabedes, o pasado mércores 17 conmemorouse o Día das Letras Galegas. Este ano o autor homenaxeado é Carlos Casares (Xinzo de Limia, 1941- Nigrán 2002). Desde a biblioteca do noso centro, fixemos unha selección dalgúns dos seus libros (A galiña azul, Toribio contra o profesor Smith ou Lolo anda en bicicleta) e incorporamos material novo como As miñas primeiras Letras Galegas, da colección dos Bolechas. Agardamos que gocedes coa súa lectura!
