Este sábado 5 de xuño fomos de excurión ao Ágora da Coruña, alí visitamos as intalacións, contáronnos uns contiños e tivemos tempo de ver e apreciar os recursos que nos ofrece a nosa contorna. Foi unha mañá ben bonita de "dar de ler, coma que da de comer". Graciñas familias!

IMPORTANTE: A excursión é para familias. Os nenos e nenas deberán ir acompañados dun adulto responsable maior de idade.

Documento A4 Horarios Biblioteca Ilustrativo Verde de Patricia Pena

Este xoves 25 de maio tivemos a sorte de contar con dous colaboradores excelentes. Mentres Montse Pena Presas, profesora de Didáctica da Lingua e Literatura da Universidade ed Santiago de  Compostela, falaba coas familias sobre "as mochilas lectoras" que todos e todas temos e as diferenzas que iso supón de partida, como ser mediadores de lectura e o desenvolvemento da  escrita, Carlos fixo un obradoiro cos pequenos e pequenas de ilustración. Un luxo!

A biblioteca do CEIPP Vicente Otero Valcárcel organiza un novo obradoiro sobre mediación lectora e desenvolvemento da lingua escrita. Nesta ocasión contamos coa profesora de Literatura e Didáctica da Lingua  da Universidade de Santiago de Compostela  Montse Pena Presas. Ademais, o compañeiro e pai dun neno do centro, Carlos Rodríguez, colaborará con nós para que as familias que así o desexen poidan traer aos nenos e nenas e facer un obradoiro de ilustración mentras eles asisten á charla.  Debedes anotarvos no correo bibliosbardoscarral@gmal.com indicando nome e idade do neno/o e nome da persoa adulta. Animádevos a participar! 

NOTA IMPORTANTE: Se a demanda fora grande fariamos dúas charlas: unha para aos nenos/as e familias de Educación Infantil ata 2º de EP e outra para 3º,4º,5º, e 6º de Educación Primaria. Teriamos entón dúas quendas unha ás 17:30h (a dos pequenos/as) e outra as 18:30h (a dos maiores). Intentaremos avisar á maior brevidade posible se esto ocorre. Data límite para anotarse o martes día 23. 

O luns 24 de Abril, dentro do proxecto "Lectura e familias" visituounos Sonia Hermida para contarnos moitos contos sobre diversidade e inclusión e propoñernos unha serie de actividades finais de animación lectora. Aquí vos deixamos unhas imaxes.  Grazas Sonia e familias por vir e por estar! 

Graciela, a mamá de dous nenos do cole, preparou con esmero e agarimo uns contos para presentarlles aos nenos e nenas de toda a Educación Infantil. Moitísimas grazas polo teu esforzo e adicación! 

TALLER SONIA HERMIDA de bibliosbardos Carral

Coincidindo co Día da Paz a mamá dunhas nenas do cole veu practicar ioga co alumnado de 1º e 2º de EP e explicounos que esta disciplina aporta numerosos beneficios entre os que destacan: 

- Mellora da postura.

- Aumento da autoestima.

- Calma e relaxación. 

- Concentración.

- Diversión

Esta activiade consistiu en realizar unha viaxe por "Terras Máxicas" na que coñeceron árbores xigantes, serpes, bolboretas de moitas cores, flores bailarinas, saltóns, xoaniñas, a vaca Lola, o gato Florindo, a Ernesto (un can moi xoguetón) e unha familia de cabalos salvaxes que os levaron ata a Punta da Curota a rañar as nubes coas mans. 

O alumnado de Belas Artes da escola de Pontevedra volveu a visitarnos esta vez cun obradoiro de ilustración relacionado cos seres míticos galegos e doutras culturas. Todos os alumnos e alumnas de 3º de Educación Primaria encheron os folios de criaturas fantásticas tal e como eles as imaxinaron utilizando rotuladores, lapis de cores e ceras blandas. Velaquí unha mostra das súas creacións. Esta actividade está enmarcada dentro do programa "Lectura e familias" e do proxecto "Cole Animal". Se queredes coñecer máis trasnos, sereas, urcos ou lobishome podedes coller este libro que temos na biblio de Antonio Reigosa. Seguro que vos encantará!

Este martes na biblio fixemos un obradoiro de escritura creativa co alumnado de 6º a cargo da mamá dunhas nenas do centro. O obradoiro chamouse: FANTASÍA ANIMAL DE CARRAL. A actividade tivo como obxectivo elaborar unha fauna fantástica a partir de animais coñecidos e presentes na nosa contorna. Partiron da presentación dalgúns seres mitolóxicos galegos e observaron un xogo de cartas coñecido como Fantasy Riders no que viron diferentes criaturas fantásticas. Tratouse dunha actividade imaxinativa na que as alumnas e o alumnos crearon un animal fantástico coa técnica da colaxe a partir de fotos de animais reais e, ademais, foron quen de describir as súas características máis peculiares dun xeito libre e creativo. Aquí vos deixamos unhas imaxes do momento e unhas recmendacións de libros que temos na biblio por se queredes seguir creando e imaxinando!

    O venres 16 de decembro tres alumnos/as de Belas Artes da escola de Pontevedra viñeron facer un taller co alumnado de 5º A, B e C. O taller consistía en pintar animais coñecendo o traballo de  diferentes artistas como: Miró, Dalí... No seguinte vídeo podedes ver todas as imaxes. Esta é unha actividade enmarcada dentro do PDI do noso centro "Cole animal" e tamén na actividade "lectura e familias" (unha das mozas é a irmá dunha alumna do noso centro). Mil grazas, rapaces/as!