Extraescolares

"Cada cousa ten o seu sitio"

A empresa Valoriza, a mancomunidade do Salnés e o concello de Vilanova puxeron en marcha unha campaña de educación e concienciación sobre a importancia da reciclaxe. Hoxe estiveron no noso cole para sensibilizar aos rapaces e rapazas da importancia de intentar reducir a produción de residuos e no caso de telos, saber reciclalos para darlles unha segunda vida e evitar problemas medioambientais.

A través de actividades lúdicas, contos e resolución de retos aprenderon a reciclar correctamente os residuos nos distintos contedores e servizos existentes no concello.

(pincha na imaxe)

Álbum: Curso 2022/2023 -> "Cada cousa no seu sitio"

Os Mandadiños do Entroido

Comeza o Entroido! Anímate a participar vestindo cada día dun xeito divertido!!!

(pincha na imaxe)

Álbum: Curso 2022/2023 -> Os mandadiños do Entroido

O Día da Paz

Hoxe conmemoramos o Día da Paz facendo entre todo o alumnado o "Conxuro da Paz".

Cada grupo de alumnos/as buscou os ingredentes necesarios para conseguir este ben tan prezado, a paz: empatía, amizade, paciencia ... Todos foron a parar a unha gran pota na que queceron e así conseguimos a fórmula máxica que propicie a paz, o respecto e a convivencia entre todos nós. (pincha na imaxe para ver máis fotos)

Álbum: Curso 2022/2023 -> Día da Paz

As badaladas de Noitevella

Non queriamos despedir este ano sen celebrar todos xuntos a Noitevella. No vídeo podedes ver o ben que o pasamos!!!

25 de novembro, Día contra a violencia de xénero

"Sí ao bo trato" Este foi o lema co que queriamos visibilizar e reflexionar co noso alumnado sobre esta lacra social, fomentando actitudes de respecto e tolerancia.

Algunhas das actividades que realizamos foron: contacontos dos axentes da biblioteca, carteis, exposición de contos sobre este tema, taboleiro coas reflexións dos nenos e nenas...

Magosto con xogos populares

Castañas e xogos populares para celebrar o magosto en Baión.

O 11 de novembro, día de San Martiño, foi unha xornada especial, chea de diversión. Puidemos xogar como o facían os nosos maiores. Estes enredos foron todo un éxito entre os nenos, nenas e profes. Os xogos pertencen á colección de xogos populares da Concellaría de Xuventude do Concello do Grove a que agradecemos o seu empréstito así como a Cándido Mascato que é o responsable da colección.

(ver fotos)

Samaín

Hoxe celebramos o día de Samaín acompañados de cabazas terroríficas, cadaleitos, lápidas, ánimas ... e ata da Santa Compaña. A entrada do centro foi ambientada de xeito moi arrepiante.

Ao longo da mañán fixemos actividades relacionadas con esta antiga tradición galega e visitamos a exposición de cabazas realizadas polo alumnado coa axuda das familias.