As clases de 3º e 4º de Educación Primaria fomos ata o final da nosa Ría de Arousa para coñecer as bateas, dar unha volta polas augas do Grove e ver o itsmo da lanzada que separa da Ría de Pontevedra.

Álbum: Curso 2022/2023 -> Proxecto Ríos - Excursión Ría de Arousa

O alumnado de 5º e 6º de Educación Primaria achegámonos ao Río de Seira, que o cole temos apadriñado no Xeovisor da Consellería de Medio Ambiente, e comprobamos a boa calidade das súas augas.

Coñecemos as árbores de Fondóns e atopamos macroinvertebrados como limnephilidae, efémeras, garridae, oligoquetos, múltiples odonatos coa súa curiosa mandíbula ou os curiosos sericostomatidae que fan  a súa casiña de area.

Localizamos algúns anfibios, coñecemos algunhas especies invasoras e, finalmente, comprobamos que a auga estaba a 15º e con bos niveis  de osíxeno, pH e nitratos.

Con todos os datos, concluímos que a calidade das augas deste afluente do Río Sar é boa e así o faremos constar no Xeovisor da Xunta de Galicia. 

Gran experiencia na Natureza!!!

Álbum: Curso 2022/2023 -> Analítica Río

Cada vez queda menos para que as nosas crianzas de 6º de Educación Primaria fagan o seu debut na ESO. Hoxe, martes 6 de xuño, achegáronse ao IES Macías o Namorado para pintar unha parte do muro como toma de contacto inicial co que será o seu novo centro de ensino no vindeiro curso.

Álbum: Curso 2022/2023 -> Visita IES Macías o Namorado

Na aula "A Pementeira" (4º EI) estivemos reflexionando sobre a importancia da auga e o fundamental que é manter os ríos limpos. Fabricamos unha depuradora caseira e fixemos unha actividade práctica filtrando auga "contaminada" para transformala en auga limpa. Posteriormente, recollemos toda a experiencia nunha montaxe en vídeo titulada "Coidemos os ríos".

Dentro do programa "Coñece as túas Institucións", o alumnado de 6º de Educación Primaria visitou a Xunta de Galicia e o Parlamento o pasado martes 30 de maio.

Álbum: Curso 2022/2023 -> Xunta e Parlamento

A rapazada de sexto percorreu un tramo do Camiño de Santiago, enmarcado nunha xornada de convivencia ao final da súa etapa educativa no colexio.

Álbum: Curso 2022/2023 -> Camiño a Santiago