Blogues
Concurso de postais de Nadal
Noraboa a todo o alumnado polas postais de Nadal tan fermosas que elaboraron para o concurso deste ano e unha grandísima felicitación á gañadora do mesmo, Thalia de 4° de Educación Infantil, que recibiu un agasallo moi moi especial.
Pero ninguén marchou hoxe coas mans baleiras xa que fixemos un intercambio con todas as postais elaboradas, ademais de levar a postal gañadora como felicitación do cole para toda a comunidade educativa e con ela desexámosvos, dende aquí, unhas Felices Festas e un Próspero Ano 2024.
Excursión ao Castro de San Cibrao de Las
No día de onte todo o alumnado do cole visitou o castro de San Cibrao de Las e aprendeu un pouquiño máis sobre a cultura castrexa. Ademais realizaron diversas actividades de elaboración dun trisquel, un cinto, un puñal e arracadas que levaron para a casa como agasallo. Pasámolo xenial!!!!
Premede na imaxe para ver o vídeo.
Taller de educación emocional e sexualidade
Este luns tivemos un taller de educación emocional e sexualidade da man de Laura de "Quérote+" ao que asistiron tanto familias coma profesorado para recibir información e formación sobre a importancia das emocións, da autoestima e o autoconcepto como parte fundamental do noso desenvolvemento así como achegarnos a como tratar a sexualidade de xeito natural na infancia e como responder ás preguntas que nos poidan formular as rapazas e rapaces con respecto a esta temática.
Actuación de Odaiko para 1º, 2º e 3º. 2023-2024
O 29 de novembro o alumnado de 1º, 2º e 3º foi a Ourense para ver unha actuación de Odaiko. Ademais, tamén estiveron un anaco na bibiloteca. Foi un día xenial!
Xa sabedes. Clicade na foto para ver o vídeo.
Próximas visitas da Furgoteca
Non vos perdades as novas visitas da FURGOTECA ao noso Concello!!!!
25N - Día Internacional contra a Violencia de Xénero
Hoxe 25 de novembro conmemoramos o Día Internacional contra a Violencia de Xénero, un día para unirnos e alzar a voz pola igualdade e a eliminación da violencia machista que se exerce sobre as mulleres en todo o mundo.
Este ano quixemos achegar o noso gran de area cunha serie de actividades que culminaron coa elaboración, nunha parede do patio, dun mural co lema "QUE NON CORTEN AS NOSAS ÁS!" no que esas ás representan os soños e as metas que todas temos e co que reivindicamos o noso dereito a facer ese voo de xeito libre, consciente e voluntario, sen cadeas nin ataduras.
Preme na imaxe para ver o vídeo!
Taller de Educación Emocional e Sexualidade
Dende o Departamento de Orientación e a Dirección do centro estableceuse comunicación co CIM da Mancomunidade de Verín para desenvolver actividades relacionadas coa educación emocional e a sexualidade. Este taller ten como obxectivo dotar ás familias de coñecementos básicos e ferramentas que lles permitan falar sobre sexualidade e emocións, sendo capaces de resolver dúbidas e preocupacións das súas fillas e fillos. É un taller, non só para as familias do alumnado do centro, senón que está aberto ao público en xeral e terá lugar o vindeiro luns 11 de decembro de 16:00 a 17:30 horas. Agardámosvos!
Obradoiros CDR Portas Abertas
Onte tivemos dous obradoiros da man de Lucía do CDR Portas Abertas no que o alumnado reflexionou sobre a contorna na que vive para comprender a importancia da participación comunitaria. Ademais elaboraron bólas para decorar a árbore comunitaria que se vai montar no Nadal coa colaboración do resto da veciñanza de Vilardevós. Moitísimas grazas a Lucía pola actividade realizada!
Preme na imaxe para ver o vídeo.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »