Hoxe celebramos o día das Letras Galegas 2024. Como ben sabemos todos, este ano adicóuselle a Luísa Villalta. É por iso que desfrutamos de Manuela Contacontos co seu espectáculo "As verbas de Luísa". A continuación, visualizamos todos os RAPs participantes no noso concurso e entregamos os premios aos gañadores! 

Queres ver os RAPs do noso alumnado? Aquí os tes! 

Tamén vos deixamos un pequeno resumo do día de hoxe... 

O martes 21 de maio, o alumnado de 6° de primaria visitou o IES Castro de Baronceli nunha xornada na que coñeceron as instalacións e o funcionamento do instituto, agora que xa quedan poucos meses para comezar os estudos de secundaria. Ademais algunhas alumnas e alumnos de 1° ESO contestaron ás preguntas que eles formularon no cole en días previos sobre dúbidas de horarios, materias, uso do móbil, sancións, excursións...

Foi unha xornada moi produtiva!!!

Este luns 20 de maio, o alumnado de infantil e de 5° e 6° de primaria visitou Cabreiroá para coñecer de primeira man como é o proceso de tratamento e embotellado da famosa auga de Cabreiroá. Ademais tiveron a oportunidade de probala no seu estado máis puro e ... á maioría non lles agradou moito o sabor. É bastante diferente á que beben das botellas e como agasallo levaron unha botelliña da edición especial de Star Wars.

Tamén aproveitamos a visita para coñecer os arredores do manancial e desfrutar dunha xornada de xogos no parque.

Hoxe, parte do equipo ACAE do noso centro, desprazouse ata a Cidade da Cultura para acudir á xornada de formación dos equipos contra o acoso escolar. 

Recibiron información sobre o acoso escolar na rede, o impacto do acoso escolar na saúde mental do alumnado, confidencialidade e protección de datos, escoita e apoio fronte ao acoso escolar e a abordaxe xurídica do acoso e ciberacoso escolar.

Seguimos formándonos para mellorar día a día!

O luns pasado viaxamos ata Verín para asistir ao Concerto didáctico ofrecido polo profesorado e parte do alumnado do Conservatorio de Música de Verín. Pasamos un anaco estupendo, compartindo a música con compañeiros doutros coles! Ademais de divertirnos, mostráronnos os instrumentos que podemos aprender no conservatorio e as cousas tan marabillosas que se pode facer coa música! 

Queredes ver canto desfrutamos? Dentro vídeo!

Comeza o prazo para solicitar o fondo solidario de libros de texto e as axudas para adquirir libros de texto e material escolar.

Prazo de solicitude: do 21/5/2024 ao 21/6/2024.

- FONDO SOLIDARIO DE LIBROS DE TEXTO: pode solicitalo o alumnado de 3º, 4º, 5º e 6º de primaria.

- AXUDAS PARA ADQUIRIR LIBROS DE TEXTO: pode solicitalas o alumnado de 1º e 2º de primaria.

- AXUDAS PARA ADQUIRIR MATERIAL ESCOLAR: pode solicitalas todo o alumnado de primaria. 

CONTÍA DAS AXUDAS

A contía das axudas para adquirir libros de texto (alumnado de 1º e 2º EP) será:

1º. Renda per cápita familiar igual ou inferior a 6.000 €: 240€.

2º. Renda per cápita familiar superior a 6.000 € e igual ou inferior a 10.000 €: 160€.

A contía das axudas para adquirir material escolar (toda primaria) será:

1º. Renda per cápita familiar igual ou inferior a 6.000 €: 75€.

2º. Renda per cápita familiar superior a 6.000 € e igual ou inferior a 10.000 €: 60€.

DOCUMENTACIÓN

     - Anexo I e Anexo II 

     - Aplicación Fondolibros

FORMAS DE PRESENTACIÓN

Ademais da presentación de forma presencial no centro, poderase realizar a solicitude na sede electrónica da Xunta de Galicia, accedendo ao procedemento ED330B, que enlaza coa aplicación Fondolibros. Unha vez que estean cubertos todos os datos, poderase gardar e obter o número de solicitude. Despois, dispoñen de varias formas de presentación da documentación:

- No centro:  neste caso imprimirase a solicitude e o anexo II e presentarase no centro (debidamente asinados).

- Na Sede Electrónica da Xunta de Galicia.

Máis información   https://www.edu.xunta.gal/fondolibros/ 

O alumnado de 5º e 6º de primaria viaxou ata Madrid xunto aos compis dos colexios de Castrelo do Val e de Oímbra. Ao longo destes días visitaron o Safari Madrid, o estadio Santiago Bernabéu e o parque Warner. 

Podedes ver no seguinte vídeo o ben que o pasaron e o moito que desfrutaron coa experiencia!!!!

O alumnado de infantil e de 1º, 2º e 3º de primaria foi o encargado, nesta ocasión, de experimentar coa construción utilizando depresores de madeira.

Os nenos e nenas de infantil construíron elementos simples coma os cadrados e os triángulos e tamén deixaron voar a súa imaxinación para crear outras formas e figuras diferentes.

O alumnado de 1º, 2º e 3º tamén construíu celosías, que son estruturas reticulares compostas por elementos entrelazados que forman patróns xeométricos. Son importantes na construción de pontes porque proporcionan resistencia e estabilidade ao distribuír cargas de maneira eficiente.

Encantoulles a actividade e agora queren seguir xogando coa construción sempre que poden!

Este venres achegouse ata o cole Mariluz Pascual para facer co alumnado de 5º e 6º un taller de escritura creativa. Non só traballaron sobre o papel, tamén fixeron dinámicas de grupo, convertéronse en chefs... Para rematar elaborando un menú fantasmal! 

Dende o centro agradecemos enormemente a visita e desexamos que volva!

Comezamos a traballar na nosa actuación para o festival de fin de curso... que será?