Segundo instruccións recibidas da Consellería de Cultura, Educación, Formación Profesional e Universidades referentes ao servizo de autobús para o vindeiro curso 2022-23, as nosas liñas veranse afectadas da seguinte forma:
- Autobuses de Viveiro-Otero SL (xestionado por Educación): todos os usuarios desta liña deben cubrir o modelo de solicitude do uso do transporte escolar gratuíto para alumnado usuario de paradas situadas a menos de 2 km do centro (ficheiro adxunto).
- Arriva (transporte integrado de Mobilidade): o alumnado excepcional desta liña (todos aqueles usuarios de paradas situadas a menos de 2 km do centro, menos as paradas da Venta e Gondrás).Non deben cubrir ningún modelo. NON será preciso o uso da tarxeta "Xente Nova", xa que todas as paradas situadas a menos de 2 km son aptas para escolares.
O alumnado de nova incorporación (3 anos) que desexe ser usuario do servizo de autobús, recibirá información na reunión inicial dos primeiros días de setembro para a cal serán convocados previamente.
***Os modelos de solicitude debidamente cumprementados deben ser entregados nos primeiros días de setembro, podendo facelo de forma presencial ou a través do email do centro (ceip.peninsuladapaz@edu.xunta.gal).
