blogue deadmin

O venres 13 conmemoramos o Entroido no colexio.

Seguindo o noso Proxecto Documental Integrado (PDI) sobre a Idade Media, chegaron dende moi lonxe uns divertidos bufóns, uns magníficos feiticeiros, a nosa nobleza de damas e cabaleiros, sen esquecer aos campesiños e bispos. Todo amenizado cuns grans xograres, mesoneiros e cos distintos oficios medievais. Foi un día cheo de emocións!!

Queredes voltar compartilas con nós?

As fotografías atópanse na Galería da páxina web.

José Ramón Lago Martínez é profesor titular da Facultade de Educación da Universidad de Vic (Barcelona), compaxina a docencia universitaria ca tarefa de asesor psicopedagóxico do Departamento de Educación. Na actualidade está sendo o noso asesor externo para o desenrolo do programa de Aprendizaxe Cooperativa, que se leva a cabo no centro.

El elexiu o noso centro para visitar, o pasado 21 de xaneiro, e acompañarnos durante unhas horas na nosa labor docente.

Estivo nalgunhas das aulas de Educación Infantil e de Primaria observando e analizando o traballo que se realiza, constatando que a Aprendizaxe Cooperativa favorece entre o alumnado o interés e a motivación por aprender e o bo clima entre eles.

Tivemos, por outro lado, a oportunidade de reunirnos con el os mestres implicados nesta metodoloxía, para realizar unha valoración do que se realiza diariamente nas aulas, tratando de dar resposta as nosas observacións, inquedanzas e preguntas co fin de seguir avanzando con ilusión nesta metodoloxía.

Foi unha xornada moi interesante e produtiva porque consideramos, o asesoramento, un recurso fundamental e necesario do sistema educativo para mellorar a calidade dos procesos de ensino e aprendizaxe.

Agradecemos a José Ramón o esforzo e interese por visitarnos.

O mércores 2 de decembro visitamos o Castelo de Sobroso, no Concello de Mondariz.

É un castelo pequeniño, pero moi ben conservado (foi restaurado hai uns anos), e serviunos para darnos idea de como eran as fortalezas no estudio do noso proxecto de centro da Idade Media: vénse perfectamente as murallas, a torre da homenaxe, as estancias principais, o patio de armas, as ameas, merlóns, saeteras… e ten case mil anos!

Aproveitamos para meternos en situación, na pel dalgúns nobres de entón: Afonso VI, Don Sancho, Dona Urraca… Cantas intrigas polo poder! E que claro, os nobres vivían moi pero que moi ben…

Está situado nun punto estratéxico, nun alto dende o que se domina unha vista da ate 20 Qm. á redonda, o que, unido ás súas murallas, facía del un bastión inexpugnable.

Completamos a saída histórica coa natureza do entorno, e aquí convertímonos en biólogos expertos en Botánica, recollendo mostras de follas, sementes, cogumelos e algún bichiño incauto que caíu unas nosas mans.

Foi unha mañá perfecta!

 O CEIP PENA DE FRANCIA DESÉXAVOS UN BO NADAL!

OS GAÑADORES NO CONCURSO DE POSTAIS DESTE ANO FORON OS SEGUINTES COMPAÑEIROS E COMPAÑEIRAS. CLICADE NO DIPLOMA!

CLICADE EN ORBIL PARA VER AS ÚLTIMAS NOVIDADES E O TRABALLO DESTE PRIMEIRO TRIMESTRE.

O alumnado participou na elaboración de carteis dixitais co motivo do inverno ou Nadal.

As normas non eran máis que elaboralo no programa Word, empregando imaxes, texto e deixando voar a súa imaxinación. O resultado foi moi satisfatorio.

Mirade!

As postais de Nadal xa están elaboradas. Que gran traballo rapaces!

Estade atentos, que está a piques de anunciarse aos gañadores.

O martes 9 no suplemento A Escola do Faro de Vigo apareceu unha pequena noticia sobre a visita de Fina de Casalderrey.