Actividades TEI

Rematados os murais da PAZ!!! E celebración do Día de Non Violencia e da Paz, 30 de xaneiro de 2020, cantando e representando cancións significativas para este día.

Unha vez máis o alumnado de 5º e 3º de Primaria participa nesta actividade de cohesión, dentro do programa TEI.(preme para ver as imaxes)

Durante o 1º Trimestre o alumnado de 3º de Primaria, levou a cabo unha actividade chamada "INSIDE OUT" dentro de programa TEI. Para a actividade tiñan que elaborar unha ficha individual sobre dúas emocións un pouco descoñecidas para elas e eles, como eran a vergoña e a sorpresa e despois facer unha dinámica grupal traballando todas as emocións tratadas na película INSIDE OUT.

preme aquí para ver como traballaron

                De novo no programa TEI !   CURSO 2019-2020

Iniciouse unha vez máis  o programa TEI ( TITORÍA ENTRE  IGUAIS), que como xa ven sendo habitual desenvólvese no noso centro ao longo de cada curso a través de diversas actividades nas que os principais protagonistas son as alumnas e alumnos de 3º e 5º de Primaria.

Emotivas CARTAS  de despedida entre titores-titoras (5º primaria) e titorizados (3º Primaria) do programa TEI.

(Preme na foto para ver máis)

Actividades do programa TEI, realizadas polo alumnado de 3º e 5º de Primaria:

3º de primaria: visualización da película "INSIDE OUT"/DO REVÉS para traballar as  emocións, a nivel individual e tamén en grupo mediante a realización dun mural: "AS EMOCIÓNS"

5º de Primaria: o alumnado visualizou o vídeo da canción TEN ESPERANZA para concienciarse contra o bullying, e posteriormente traballouse ao respecto tanto de xeito individual como en grupos realizando un mural e ideando cancións inventadas coa temática do bullying

Anticipándonos ao  25 de novembro, Día internacional contra a Violencia de Xénero

O alumnado do CEIP de Mondego-Sada , interpreta a canción de María Rozalén “LA PUERTA VIOLETA” nun emotivo acto  co que se quere manifestar a repulsa contra a violencia de xénero en todos e cada un dos días do ano. Ao mesmo tempo a actuación tamén serviu para realizar unha actividade de cohesión entre o alumnado de 3º e 5º participante do programa TEI : cada alumna e alumno de 3º interpretou a canción acompañada/o da súa titora ou titor de 5º  (preme para ver fotos, iremos engadindo máis)     

  E... directamente con E.Infantil

O mércores 24 de outubro, o alumnado de 5º de Primaria, participante no programa TEI, recibiron de mans das autoridades os carnés e diplomas que os habilitan a ser titores; no mesmo acto o alumnado de 3º Primaria recibiu un diploma de participación no programa.

Si premes no adxunto poderás ver fotos ao respecto.

Entrega de DIPLOMAS aos alumnos e alumnas de 5º Primaria que exerceron como titores e titoras do programa TEI.

(preme no adxunto para ver as fotos)

Actividades TEI elaboradas polo alumnado de 5º Primaria

ÁRBORE DA CONVIVENCIA: actividade realizada, en colaboración, polos alumnos e alumnas de 5º e 3º de Primaria ( titores e titorizados PROGRAMA TEI)

Sesións formativas realizadas aos titores de 5º de primaria. Programa TEI.