Hoxe o grupo de 5º de primaria estivo case toda a mañá nun obradoiro de radio escolar.

Practicamos a entoación, pronunciación, puxemos voces, aprendemos a colocarnos diante do micro... e por suposto realizaron un pequeno podcast (arquivo de audio) que depois fumos modificando para eliminar os erros de pronunciación, os silencios que non correspondían, etc. E todo isto á vez que traballamos a cooperación, traballo en equipo e respecto polos demais.

O pasado mércores 26 de outubro realizamos a festa do magosto á que asistimos disfrados aproveitando a celebración do Samaín.

Durante a mañá preparámonos para comer as castañas asadas e despois do recreo xogamos por equipos a diferentes xogos tradicionais co obxectivo de conseguir as pezas dun puzzle que pouco a pouco estamos a montar no mural da entrada do cole.

Pasámolo en grande, e os maiores demostraron a súa responsabilidade ao dirixir ao seu grupo de xogo en xogo tendo coidado dos máis pequenos.

Mirade que animado estaba o cole!