Este ano non puidemos facer a fogata do Magosto, pero isto non impediu que nolo pasaramos xenial.
Ao rematar o recreo quedamos no patio e xogamos por grupos aos seguintes xogos populares:
- Zancos
- Escondite inglés
- Tiro a castaña (versión canicas)
- Paracaídas
- Guíar o aro
- Pés quedos.
O tempo axudou para que case todas as actividades se puideran facer ao aire libre, as dúas que fixemos no ximnasio, foi debido a motivos organizativos.
Pero o que máis nos gustou de todo, foi que nos 6 grupos que se formaron, estiveron nenos e nenas de tódolos niveis. Aos pequenos encantoulles verse xogando cos maiores, e os maiores estiveron moi pendentes deles para que o pasaran xenial. Foi fermoso ver como se axudaban uns aos outros e deixaran un pouco de lado o aspecto competitivo que acostuman a mostrar.
Simplemente trataron de divertirse e pasalo ben.
