MÓVETE MÁIS E ALIMÉNTATE MELLOR
PROXECTO DEPORTIVO DE CENTRO (PDC)
Hoxe foi un día especial e moi emotivo para nós, o Día Europeo do Deporte Escolar (#ESSD2019). Coa celebración deste día buscamos incrementar e promover a actividade física saudable no noso centro. Un ano máis tivemos a oportunidade de escoitar, interactuar e aprender dunha deportista de alto nivel. Este ano contounos a súa experiencia a campioa do mundo en 2019 Teresa Barreira Salgado (profe Tere para moitos de nós). Tere ten moitos títulos, pero só na tempada 2019 acadou os seguintes campionatos:
· Campioa do Mundo Duatlón (G40-44).
· Campioa de España Duatlón.
· Campioa Galega Duatlón Cross.
· Campioa de Europa Máster 40XC Ultramaratón. Ciclismo BTT.
· Campioa de España Máster 40XC Ultramaratón. Ciclismo BTT.
· Campioa de España de Raids Élite. Raids aventura orientación.
· Campioa Galega de Raids Élite. Raids aventura orientación.
Con Tere inauguramos a nosa milla escolar e todos puidemos correr xunto a ela. Grazas Tere por compartir con todos nós valores deportivos, sensacións e emocións. Sen dúbida foi e será sempre un día inolvidable no CEIP Plurilingüe O Ramo.Querémoste profe de élite.
#BeActive #somosactivos #Galiciasaudable
