Samaín 2019
Para festexar o Samaín e o Magosto de 2019, os rapaces e rapazas do CEIP As Nogais realizaron moitas actividades:
Comezaron cunha interpretación da canción "Tumbas, tumbas".
Despois de tanto esforzo, os nenos e nenas xa tiñan FAME de empanada e chourizo con pan e así fixérono saber.
Demetrio instalou o seu particular "chiringuito das castañas" para asalas no tambor.
Tras a comida, desfrutamos do magosto. Cuns recipientes feitos por eles, comeron castañas ben quentiñas.
Pola tarde, no patio, mentres a choiva nos deixou, realizamos uns divertidos xogos por equipos (nenos e nenas de todas as idades).
Para rematar o día, cós mesmos grupos, xogamos no ximnasio á "Mímica de Outono", onde tiñan que adiviñar palabras relacionadas có Samaín e có Outono, mentres un compañeiro facía xestos.