Teatro Musical
O alumnado de 3º interpretou unha adaptación do libro "Gotas de cores". Xurdiu como ocorren as mellores ideas, a demanda do alumnado tras ler e escoitar o conto. Esta xornada de Teatro Musical foi o broche final para despedirnos de Alba Iglesias, alumna de prácticas de maxisterio, quen se implicou de cheo nesta e noutras actividades de centro. Tiñamos poucas sesións por diante para preparala, pero fíxose con moito agarimo e coa participación esencial de Alba.
Con esta historia viaxamos por diferentes países do mundo, aprendendo os seus bailes típicos e os ríos máis importantes para axudar a devolver a auga a Madagascar. Nestes enlaces podedes ver as actuacións de cada clase no Teatro da nosa escola.
