Catálogo

As exposicións nacen para divulgar e dinamizar os fondos da nosa biblioteca, para animar á lectura. Libros que recuperamos dos andeis para expoñer no corredor da biblioteca, para agasallar lecturas de calidade a toda a comunidade.

Todas as exposicións trimestrais e temáticas teñen como fin último que os libros viaxen ás aulas, ás casas... para que tod@s fagan bo uso deles e medren ao seu acubillo, favorecendo a imaxinación, a creatividade, o benestar emocional, a información... en definitiva, lectura por placer e para aprender, lecturas de vida.

Premendo no seguinte enlace accederedes ás publicacións do blog da nosa biblio ao redor de diversas exposicións:

Exposicións Leo le...

Conmemoramos o Mes da Ciencia en Galego nas Bibliotecas e relacionamos o PDI que nos ocupa coa experimentación, a educación en valores e a lectura activa como ferramenta de construción educativa e social que facilita o cambio, celebrando, ao tempo, o 25N.

Premendo no seguinte enlace accederedes á publicación:

Receitando lecturas... polo 25N!

Inauguramos nova exposición para divulgar fondos de banda deseñada/cómic: Leo le... BANDA DESEÑADA!

A banda deseñada é protagonista das producións propias de cada aula para elaborar entre tod@s o noso Galicómic, unha marca propia que nace do PDI NÓS e que seguiremos dinamizando nos vindeiros cursos escolares.

Premendo no seguinte enlace accederedes á exposición:

Leo le... BANDA DESEÑADA!

Achegamos unha breve guía de usuari@s para realizar os empréstitos e devolucións en KOHA. Guía que tamén estará a disposición no punto de Autoempréstito: caderno de usuari@s.

Aclaración: no tempo que nos leve pór o código de barras a todos os libros da nosa biblio non usaremos o lector de códigos, agás no caso de novas adquisicións/catalogacións que xa conteñen o seu código de barras. O profesorado e biblioaxudantes con "perfil axudante" deberán introducir o código de centro e número de rexistro de cada libro manualmente tal e como se recolle na seguinte guía:

Empréstitos e devolucións KOHA

Todos os libros teñen que estar localizados, polo que é tarefa de tod@s realizar o seu rexistro no sistema ou ante calquera incidencia (informática, de tempo...) nas táboas do arquivador situado no punto de xestión.

Coida da túa biblio... como ela coida de ti!