En aplicación da RESOLUCIÓN do 12 de marzo de 2020, da Secretaría Xeral Técnica da Consellería de Sanidade polo que se adoptan as medidas preventivas en materia de saúde pública na Comunidade Autónoma de Galicia, como consecuencia da evolución da epidemia do coronavirus COVID-19, o CEIP Milladoiro de Malpica de Bergantiños suspenderá todas as actividades lectivas para os vindeiros 14 días naturais contados dende o día 16 de marzo do 2020. Se todo vai segundo o previsto e non se produce novidade algunha, as aulas reanudaríanse o luns 30 de Marzo.
Cada titor/a establecerá as canles de comunicación pertinentes para a distribución de traballo, podendo tamén dirixir as vosas dúbidas ao correo do centro (ceip.milladoiro@edu.xunta.gal) ou o teléfono. O centro permanecerá aberto en horario normal.
Todas as novidades que se produzan ao respecto colgarémolas na páxina web e nos diferentes blogues.
Podedes consultar as últimas INSTRUCCIÓNS da Consellería de Educación premendo no enlace.
A dirección.
