Na ORDE do 7 de maio de 2024 convócanse axudas para adquirir libros de texto e material escolar para o curso escolar 2024/2025 (Código de procedemento ED330B) (Diario Oficial de Galicia do 20.05.2024).
As axudas consisten en:
- Fondo solidario de libros de texto: alumnado matriculado en 3º, 4º, 5º e 6º de EP
- Axudas para adquirir libros de texto: alumnado matriculado en 1º e 2º de EP e en educación especial (EE); así como as axudas que pode recibir o alumnado incluído na disposición adicional primeira (discapacidade ≥ 65%) e na disposición adicional segunda (necesidades específcas de apoio educatio –EAE-), circunstancia que fará constar o centro na solicitude.
- Axudas para adquirir material escolar: alumnado matriculado en EP, ESO e EE.
Prazo e presentación
O PRAZO DE PRESENTACIÓN DAS SOLICITUDES REMATA O 21 DE XUÑO DE 2024.
MOI IMPORTANTE: A PRESENTACIÓN REALIZARASE DE XEITO PRESENCIAL EN HORARIO DE SECRETARÍA DE 13-14 h. NON SE RECOLLERÁN AS SOLICITUDES ENVIADAS A TRAVÉS DO ALUMNADO.
Poderán acceder ao procedemento e a toda a información a través da aplicación FONDOLIBROS:
Ademais da presentación de forma presencial no centro, os cidadáns poderán realizar a solicitude na sede electrónica da Xunta de Galicia, accedendo ao procedemento ED330B.
Posteriormente, disporán das seguintes formas de presentación:
No centro: neste caso imprimirán a solicitude e o anexo II e presentaranos no centro (debidamente asinados), xunto coa documentación (A solicitude xa terá asignado un número pola aplicación).
Na Sede Electrónica da Xunta de Galicia.
Documentación
ANEXO I (este enlace inclúe o Anexo II)
ANEXO II
Copia do libro de familia ou equivalente onde figuren todos os membros computables.
En caso de separación ou divorcio, ademais deberán achegar a sentenza xudicial e/ou conienio regulador onde conste a atribución da custodia do/a menor
Certificado acreditativo do grao de discapacidade, se fose o caso, recoñecido por un órgano que non pertenza á Xunta de Galicia.
Violencia de xénero: Acreditarase en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero
