Preguntas

Enterámonos que na biblioteca do centro precisan cartaz ilustrado sobre o autor homenaxeado nas Letras Galegas 2016. Na nosa clase decidimos colaborar, pero para realizar esa tarefa primeiro témonos que informar de que é e cal foi a súa vida e obra. Teremos que resolver as seguintes tarefas para poder resolver a Caza do Tesouro:

Tarefa individual: Pescuda de información sobre o autor homenaxeado nas Letras Galegas 2016

Para acadar o tesouro, primeiro deberedes responder individualmente a todas estas preguntas: 

(Non fai falta que copiedes as preguntas, xa que se facilita un guión, que deberedes cubrir, no apartado de recursos).   

1. A quen se lle dedican as Letras Galegas de 2016?
2. Onde naceu e cando?
3. En que escola realizou os seus estudos de primaria?
4. Que profesión tiñan os seus pais?
5. Que facía os sábados pola tarde en Rábade?
6. Como se titula o primeiro libro que publicou?
7. En que vila se casou e viviu?
8. Como se chama a libraría e a editorial que fundou?
9. Que outra profesión exerceu en Monforte?
10. En que ano o nomearon membro da Real Academia Galega?
11. Onde e cando finou?
12. Localiza o nome de tres cancións elaboradas cos seus poemas?

Tarefa en grupo: Elaboración dunha galería de imaxes sobre a súa vida e obra.

Crearemos un catafol compartido en Google Drive no cal iremos descargando as imaxes que fagan referencia a súa vida e obra. Para elo, por parellas, realizaredes a seguinte actividade:

1. 1. Elaborar unha galería de imaxes compartida en Google Drive entre os membros do equipo. 

No apartado de Recursos atoparás as ligazóns e materiais necesarios para completar a Caza do Tesouro.