Formalización de matrícula para o curso 2017/18

O prazo para formalizar a matrícula do alumnado que foi admitido non noso centro para o curso 2017/18 ábrese o día 20 de xuño ata o 30 deste mesmo mes. Pódese recoller e entregar a documentación na secretaría do centro.

Documentación:

Para os alumnos e alumnas de 4º de Educación Infantil:

Para os alumnos e alumnas de outros niveis non é preciso a enquisa lingüística nin as fotos.

Publicada a convocatoria de participación no fondo solidario, axudas para adquisición de libros de texto e material escolar para o curso 2017/18.

O obxeto da Orde é convocar a participación no fondo solidario de libros de texto, axudas para adquisición de libros de texto e material escolar destinadas ao seguinte alumnado:

Fondo solidario: 3º, 4º, 5º e 6º de Educación Primaria.

Axudas para libros de texto: 1º e 2º de Educación Primaria e EE.

Material escolar: 1º, 2º, 3º, 4º, 5º e 6º.

Só será preciso presentar unha única solicitude, incluíndo nela a todos/as fillos/as que estean escolarizados no centro.

Prazo de presentación da solicitude: ata o 23 de xuño de 2016.

Documentación:

 As persoas interesadas deberán achegar coa solicitude a seguinte documentación:

  • Copia do libro de familia onde figuren todos os membros computables.

     Nos casos en que non teñan libro de familia ou este non reflicta a situación en 31 de decembro de 2015, poderán acreditar o número de membros utilizando, entre outros, algún dos seguintes medios:

  1. Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.
  2. Certificado ou volante de convivencia.
  3. Informe dos servizos sociais ou do órgano equivalente do concello onde resida a familia.

 Artigo 24. 3.- Quedarán excluídas as solicitudes que non se puidesen validar por estar presentadas fóra de prazo, por falta de emenda das deficiencias da solicitude e/ou da documentación ou por falta da devolución dos libros de texto recibidos do fondo solidario adquiridos coas axudas no curso 2016/2017.

Para máis información dirixirse á secretaría do centro ou picar no seguinte enlace.

Documentos para descargar:

Letras Galegas 2017: excursión da ANPA

 

O día 17 de maio, as familias participaron na excursión que tódolos anos organiza a ANPA. Nesta edición visitamos o ecomuseo de Arxeriz (Escairón) coa guía de Sonia que nos amosou elementos típicos da casa tradicional: o lagar, a cociña... pero tamén a navegación fluvial e artes da pesca no Miño e Sil, así como as catas arqueolóxicas do castro onde desfrutamos da vista do cabo do mundo.

Despois de comer fomos ao embarcadeiro de Belesar onde o capitán Miguel e o guía Anxo explicáronnos con detalle tanto o entorno, o impacto da presa de Belesar, a viticultura, o arte románico... 

Acabamos o día cunha merenda en Chantada.

Agradecemos a tod@s que nos acompañarades e emplazámovos para a vindeira convocatoria.

Publicación de listaxes definitivas para a admisión de alumnado para o curso 2017/18

Publícanse as listaxes definitivas  para a admisión de alumnado para o curso 2017/18.

Para máis información poden dirixirse á secretaría do centro.

 

Os alumnos e alumnas que obtiveron praza deben pasar polo centro do 20 ao 30 de xuño para formalizar a matrícula.

Os alumnos e alumnas de 5º de EI visitaron unha granxa

Os alumnos e alumnas de 5º de EI visitaron hoxe unha granxa.

O noso agradecemento para os propietarios, pais dun alumno, que acolleron a toda a clase na súa casa.

 

Os demais saíron á alameda a merendar.

                                              .

Os alumnos e alumnas de 2ª de Primaria visitaron o Concello.

Os alumnos e alumnas de 2º visitaron o Concello e foron recibidos polo Sr. Alcalde en persoa. Fixeron un percorrido polas distintas dependencias e comprobaron de primeira man que se sinte ao sentarse nos asentos dos concelleiros. Agradecemos a atención recibida por todo o persoal.

   
   

Braulio no CEIP Manuel Rivero

A semana pasada recibimos a visita de Braulio dos Bolechas no centro e estivo cos nenos e nenas de segundo.

Admisión de alumnado para o curso 2017/18

A partires do vindeiro  1 de marzo  comeza o procedemento de admisión de alumnado para o curso escolar 2017/18.

Para obter máis información dirixirse á Secretaría do Centro.

CALENDARIO PROCESO DE ADMISIÓN CURSO 2017-18
Publicación vacantes  Antes do 1 de  marzo
Presentación solicitude de admisión Do 1 ao 20 de marzo
Presentación documentación xustificativa  Do 23 de marzo ao 3 de abril
Publicación das listaxes provisionais de admitidos e non admitidos  25 de abril
Publicación das listaxes definitivas  Antes do 15 de maio

Formalización de matrícula en EI e EP

  Do 20 ao 30 de xuño

Pódense consultar e/ou descargar os documentos relacionados nas ligazóns seguintes:

Entroido 2017

Xa chegou o entroido! E con el a visita máis esperada, Don Manuel e Dona Xertrudis que van empezar a volta ao mundo.

Estade atentos aos seus mandados

se non queredes acabar... ENFARIÑADOS!

Comezamos:                                                     

LUNS 20:                                                         

China visitaremos

e algo de alí traeremos.

MARTES 21:

De safari a Kenia imos

e con algo de alí vimos.

MÉRCORES 22:

Por Europa en tren-hotel viaxamos

e co noso mellor pixama nos levantamos

XOVES 23:

A nosa viaxe en América rematamos

e con algo de alí nos preparamos 

VENTRES 24:

 Un pouco de aquí e un pouco de alá

para disfrazarse hoxe todo servirá.

Braulio e os cacharelos estiveron onte no centro

Braulio dos Bolechas estivo onte con nenos e nenas de segundo. Tamén os cacharelos viñeron facernos unha visita para anunciar que pronto chega o entroido.
Distribuir contido