SEMANA DA MULLER E A NENA NA CIENCIA

Esta semana dedicámola ás mulleres científicas a través de actividades de indagación, creación e experimentación.

Habilitáronse por todo o centro diferentes estacións de traballo (laboratorios),  cada unha dedicada a unha muller científica destacada nun campo concreto (astronomía, bioloxía, física, química...), onde o alumnado realizou diversos experimentos, tales como:

- Observación no microscopio de area, sal ou algas.

- Mesturas homoxéneas e heteroxéneas.

- Flotabilidade.

- Evaporación da auga.

- Cristalización da sal.

- Proxección da luz (creación de caixas de constelacións).

- Etc

Tamén se utilizou a biblioteca escolar para buscar información sobre as diferentes mulleres de xeito lúdico, a través de xogos como "E ti de quen vés sendo?" (variante do "Quen é quen?" con rostros de mulleres científicas) e outros.

Na seguinte ligazón pódese acceder ao álbum fotográfico da actividade: 

VER FOTOS