Todos somos coñecedoras e coñecedores que o xogo entre os nenos e as nenas é un dos mellores mecanismos para explorar o mundo. Ademais, serve para coñecer o mundo real a través da representación de roles. 

   É preciso comprender que o uso dos xoguetes non é espontáneo, senon que é aprendido e de carácter cultural. Necesitamos superar o "isto é de nenos e isto é de nenas".

   Os xogos sexistas son aqueles que reproducen os roles  dos homes e das mulleres na nosa sociedade. Os nenos e as nenas asumen actitudes de discriminación representando estas diferenzas.

   Xogar a diferentes xogos permítelles desenvolver diferentes habilidades. Diferenciar as actividades en función do sexo é limitar unha enorme oportunidade para o desenvolvemento infantil. 

    Nesta época nós temos a posibilidade de elixir ese xoguete pero, cal elixir? 

   Débense escoller aqueles xoguetes que:

   - non potencien a violencia.

   - favorezan a comunicación

   - potencien as relacións cooperativas

   - divertido e motivador

   - fomente a capacidade de pensar, a creatividade e a curiosidade

 Segundo a idade do cativo/a, algúns exemplos poden ser:

  E lembrade, os xoguetes deben ser seguros e amosar na etiquetaxe a idade recomendada.

     No día de hoxe, conmemórase a gran loita que os cidadáns temos a obriga de erradicar: a violencia de xénero.

Son moitas as mulleres que sofren ou sufriron algún tipo de violencia (física, verbal e/ou psicolóxica) por parte doutra persoa.

    Está nas nosas mans a solución: a clave é a educación.

    E lembra, non hai xustificación!

   A continuación podedes consultar máis información nos seguintes enlaces:

http://igualdade.xunta.gal/gl/content/que-e-violencia-de-xenero-

http://igualdade.xunta.gal/gl/recursos/centros-de-informacion-mulleres

A estas alturas moitos nenos e meniñas de 6º de Educación Primaria estarán a pensar non seu paso ao instituto o próximo curso.

Debido a esta situación tan excepcional provocada polo Covid-19, e para poder orientarlles na transición á etapa de Secundaria, a orientadora educativa Monste Alonso Álvarez do EOEP de Villafranca do Bierzo, preparou este material para as familias con nenos e meniñas nesta situación. Trátase dunha pequena guía con información visual de apoio, para que os pais ou titores do alumnado de 6° curso poidan preveer e traballar o próximo tránsito a Secundaria. Espero que sexa útil.

Ánimo e a por esta nova etapa!

Unha guía de exercicios sinxelos para que os peques se relaxen. E nós con eles. Podemos facelos xuntos. Está elaborado polo HIU Neno Xesús de Madrid. Son 7 puntos para quedarnos ben relaxados. Podemos practicar a diario e ademais usalo se estamos especialmente nerviosos.

O Mindfulness para nenos e nenas bríndanos toda unha serie de posibilidades para mellorar dende ben cedo a súa atención, para exercitar o seu cerebro na empatía, na calma e a xestión emocional.

Algo importante que debemos aclarar en primeiro lugar é que o Mindfulness para nenos e nenas non se limita en exclusiva a ensinarlles a meditar, a como relaxarse ou a respirar. Vai moitísimo máis aló. Non podemos esquecer que o Mindfulness relaciónase tamén coa alimentación, co traballo, co modo de relacionarnos, de facer deporte…

Beneficios.

• Conseguir que a súa capacidade de asombro non caduque nunca, así como o seu interese por conectar co exterior desde un interior máis relaxado, máis receptivo e confiado.

• Axúdalles a mellorar o rendemento académico, a ser máis eficientes nas súas tarefas. Aprenden a vivir plenamente a súa vida, prestando atención ao momento presente e gozando máis de cada instante vivido.

• Aumenta a capacidade de regulación emocional. Aprenden a recoñecer, entender e manexar as súas emocións e pensamentos de forma natural. Descobren que están por encima das súas emocións e pensamentos, que todos lles achegan algo beneficioso e que todos son transitorios.

• Incrementa a capacidade de tomar mellores decisións. A través da autobservación e o autoconocemiento, aprenden a coñecer a fondo todas as súas capacidades, fortalezas e limitacións. Deste xeito poden tomar decisións máis conscientes.

• Aprenden a frear a súa mente mellorando o seu autocontrol. Adquiren capacidades para controlar a súa tensión e os seus medos antes de que lles cheguen a bloquear. Son capaces de saír deses estados de «secuestro emocional» nos cales a parte máis primitiva do cerebro toma o control e non podemos tomar decisións racionais.

• Aprenden a ser máis reflexivos, menos impulsivos e a ser capaces de responder no canto de reaccionar fronte aos pensamentos ou emocións que lles xorden.

• Aumenta a súa capacidade de resiliencia. Ao centrarse no momento presente, non vivindo con angustia o futuro nin lembrando con añoranza o pasado, son capaces de recobrarse mellor tras unha experiencia ou sentimento.

Bo día familias.

Dende o  departamento de orientación gustarianos darvos algunhas  suxerencias para facer mais levandeiro estos días cos vosos pequenos e pequenas.

Nesta guia eleborada pola psicóloga Estela Mediavilla, podedes atopar ideas sobre como afrontar esta situción cos vosos fillos e fillas atendendo as súas emocións.

Recolle algunhas ideas para organizar os tempos e algunhas actividades que vos axudarán no voso día a dia.