Este ano o claustro do centro, no seu afán de mellorar a súa calidade educativa, decidiu dar un paso adiante e participar en diversos proxectos ofertados pola Consellería de Educación. Do mesmo xeito comezou a colaborar con algunhas entidades que mellorarán a formación do noso profesorado. A continuación citaremos os diversos plans, proxectos e colaboracións nos que está inmerso o profesorado do centro. Plan de Formación Permanente do Profesorado. Con motivo de achegarnos á nova etapa na que estamos inmersos, o profesorado está participando no curso "Programar por competencias" coa intención de axustar as nosas programacións ao marco europeo establecido. Proxecto de Innovación e Dinamización Lingüística. Progama que ten como obxectivo fomentar o desenvolvemento de proxectos educativos innovadores que impliquen o uso da lingua galega e que garantan unha plena competencia nesa língua. Programa de Bibliotecas Escolares Solidarias. Coa finalidade de recoñecer a bibliotecas que traballan de forma salientable a compensación de desigualdades e fomentan o voluntariado cultural entre os integrantes da comunidade escolar. Así como fomentar a colaboración das familias na dinamización da nosa biblioteca escolar favoreciendo a súa integración activa no desenvolvemento dos diferentes proxectos do centro. Colaboración coa Federación de Xordos de A Coruña. Esta colaboración nace coa finalidade de formar ao profesorado do centro para dar resposta as distintas necesidades que poidan xurdir na nosa comunidade educativa. |
|||