Localización, Dependencias, Novas Secretaría (documentación,....), Horarios, Servizos, Actividades extraescolares, Comedor, Taller matinal, Centro, Atención ao público, Xefatura de estudos, Secretaría, Dirección

Cambio de número de teléfono do colexio

Estimadas familias:

Comunicámosvos que a Consellería de Educación procedeu a efectuar cambios no servizo de telefonía deste centro educativo.

A partir do día de mañá, deberán utilizar o teléfono 886 111 087, quedando anulado o anterior.

Outros números de contacto:

Departamento de Orientación: 886 111 089
Biblioteca: 886 111 090
FAX do centro: 886 111 091

Un saúdo

1 adxunto

Necesidade de baremar

Rematado o prazo de recollida de solicitudes de admisión, informámosvos de que se superou o número de prazas dispoñibles polo que será preciso baremar.

Todas as familias que solicitaron praza deberán presentar, entre o 1 e o 12 de abril toda a documentación que acredite a puntuación alegada nas solicitudes.

Unha vez efectuado o baremo publicaremos a lista provisional de admitidos o día 25 de abril.

A dirección

1 adxunto

Modificación das prazas vacantes iniciais de postos escolares para o curso 2016-2017

No arquivo adxunto atoparedes información actualizada sobre as prazas vacantes de postos escolares para o vindeiro curso.

1 adxunto

Inicio do procedemento de admisión de alumnado para o curso 2016/2017

De acordo cos prazos establecidos na disposición adicional primeira da Orde de 12 de marzo de 2013, que regula o procedemento de admisión, o próximo 1 de febreiro inícianse os trámites do procedemento, coa reserva de praza nun centro de adscrición.

Máis información no arquivo adxunto e na páxina web: http://www.edu.xunta.es/portal/node/18048

Visitas guiadas polas instalacións do centro os días 1 e 8 de marzo as 18:00

1 adxunto

Reserva de praza Secundaria

Aquel alumnado de 6º de primaria que desexe reservar praza no I.E.S. ROSAIS 2 deberá cubrir e entregar o ANEXO I da orde no noso centro ata o 15 de febreiro de 2016 inclusive.

O alumnado que non faga a reserva de praza no período establecido perderá o dereito de preferencia e terá que cubrir unha solicitude de admisión no período ordinario.

A reserva de praza é vinculante. Si se fixo reserva para o Rosais 2 e desexa solicitar outro centro, terá que formalizar unha renuncia a dita reserva, antes do 1 de marzo, e presentar copia desta renuncia no centro no que se presente a solicitude de admisión.

Un saúdo

A Dirección

Abalar Móbil

O noso colexio foi seleccionado como centro piloto por parte da Xunta de Galicia para comezar a fase de probas da aplicación para dispositivos móbiles "ABALAR MÓBIL".

Esta aplicación permitirá mellorar a comunicación entre o centro e as súas familias.

En Arquivos Adxuntos podese descargar a guía de uso.

Máis información no seguinte enlace: https://www.edu.xunta.es/espazoAbalar/nova/abalarmobil

1 adxunto

PROGRAMA DE ALERTA ESCOLAR

A Consellería de Educación e Ordenación Universitaria está a poñer en marcha, coma outros anos, o Programa de Alerta Escolar en colaboración coa Fundación 061, que ten como obxectivo a atención inmediata e eficiente do alumnado que presente unha patoloxía crónica e pode desenvolver en calquera momento unha crise.

Este programa posibilitará a súa asistencia e que o profesorado teña cobertura de persoal médico que conte con coñecementos dos nenos e nenas con esta problemática.

As patoloxías que se poden incluir no programa son: Epilepsia, Hipoglicemia (diabetes) e Shock Anafiláctico producido por algún tipo de reacción alérxica.

Para ver máis información na páxina da Consellería de Educación.

IMPRESO MODELO DE SOLICITUDE NA SECRETARÍA DO CENTRO

DEVOLUCIÓN DE LIBROS DE TEXTO ADQUIRIDOS CON CARGO ÁS AXUDAS

Recordámosvos que o alumnado beneficiario das axudas para libros de texto para o curso 2015/16 ten a abriga de devolvelos no mes de xuño, agás o alumnado de 1º e 2º de educación primaria. É necesario que estén en bo estado de conservación para que poidan ser reutilizados.

Non devolver os libros ou a entrega en mal estado dos mesmos será causa de exclusión para o fondo solidario de libros convocada para o vindeiro curso académico 2016-17.

Agradecémos a vosa colaboración.

Un cordial saúdo.

A DIRECCIÓN

AVISO: Erro no ISBN do libro de Lingua Castelá de 6º de Educación Primaria

Advertiuse un erro no libro de Lingua Castelá de 6º de Educación Primaria.

O correcto é:

978-84-698-0652-4

Desculpen as molestias.

Cambio de opción de Relixión a Atención Educativa

Os/as alumnos/as que desexen cambiar de opción deberán solicitalo na Secretaría do 1 ao 12 de xuño.

Ao inicio do vindeiro curso académico poderán manifestar de novo a súa vontade de cambio segundo o establecido na Lei Orgánica 8/2013, do 9 de decembro, para a mellora da calidade educativa.

Para unha mellor organización do centro prégase que nos informen en xuño.

Poden descargar o impreso de cambio de opción a continuación (Adxunto)