Localización, Dependencias, Novas Secretaría (documentación,....), Horarios, Servizos, Actividades extraescolares, Comedor, Taller matinal, Centro, Atención ao público, Xefatura de estudos, Secretaría, Dirección

Convócanse as Axudas municipais para o vindeiro curso escolar 2017/2018 destinadas a:

• Comedor (destinado ás etapas de educación infantil (2º ciclo), educación primaria e educación secundaria obrigatoria).

• Libros e material escolar (destinado á etapa de educación infantil (2º ciclo)).

Na Secretaría do centro pódese recoller tanto o tríptico informativo como a solicitude da axuda en horario de 9:00 a 14:00 horas.

O prazo de presentación será dende o 19 de maio ata o 15 de xuño e entregarase xunto coa documentación solicitada no rexistro xeral do Concello de Vigo ou porcalquera dos medios previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Para entregar no Concello pódese pedir cita previa nos seguintes teléfonos:

• 010
• 986 810 260

Tamén pódese presentar a solicitude a través da web www.vigo.org

Nota: na Secretaría do centro expedirase o certificado de matriculación que é necesario presentar xunto coa solicitude.

No seguinte documento adxunto pódese ver a listaxe provisional dos admitidos/as e non admitidos/as no noso centro para o vindeiro curso 2017/2018 desagregadas por cursos.

Lémbrase que dende mañá, 25 de abril, ata o mércores, 3 de maio (ambos inclusive), pódense presentar reclamacións ás listas.

Un saúdo.

Vigo, 24 de abril de 2017.

INSTRUCIÓNS SOBRE O PROCESO DE ADMISIÓN DO ALUMNADO PARA

O CURSO ACADÉMICO 2017/18

POSTOS ESCOLARES OFERTADOS. 

MODO PRESENTACIÓN DE SOLICITUDES: Pódese facer a través dun dos seguintes: 

- Aplicación <admisionalumnado>  

(https://www.edu.xunta.es/admisionalumnado).

 - No centro de primeira opción. Cubrindo o impreso que está a súa disposición na citada aplicación ou na secretaría do centro.

EN CALQUERA DOS DOUS CASOS, É OBRIGATORIO ENTREGAR UNHA COPIA DA SOLICITUDE NO CENTRO DE PRIMEIRA OPCIÓN.

CALENDARIO DO PROCEDEMENTO DE ADMISIÓN E MATRÍCULA. 

O alumnado e as familias poderán consultar o estado de tramitación das súas solicitudes:

-A través da aplicación <admisionalumnado> (https://www.edu.xunta.es/admisionalumnado), utilizando o código de solicitude e o número de DNI da persoa solicitante.

CRITERIO COMPLEMENTARIO DO BAREMO FIXADO POLO CONSELLO ESCOLAR.

      O criterio complementario é solicitar en primeiro lugar un centro de ensino público. A valoración deste criterio será dun punto.

HORARIO DA SECRETARÍA.

     O horario da secretaría para a entrega de solicitudes e documentación é de 9:00h a 14:00 h, de luns a venres.

 SERVICIOS COMPLEMENTARIOS:

                O centro dispón de servizo de comedor e Aula Matinal que, xunto coas actividades extraescolares, son xestionadas pola ANPA. Para calquera información sobre os servizos ofertados e as actividades, deberán porse en contacto con dita asociación. O horario de atención ao público da ANPA é de 9:00 a 9:30 h e de 13:45 a 14:15 horas. Teléfono: 660175215   E-mail: anpa.garcia.barbon@gmail.com.

Máis información en http://anpagarciabarbon.org/

  ÁREA DE INFLUENCIA:

 Comprende dende o cruce de Isaac Peral e Camiño do Viso, seguindo pola rúa San Xoán do Monte ata o cruce coa rúa Cantabria; e seguindo pola Avenida do Aeroporto ata a rúa Tomás Elvira e dende aquí pola Avenida Ramón Nieto, rúa Urzaiz e rúa Colón ata o porto.

 Na páxina : www.escolasvigo.org/mapas poden consultar as áreas de influencia de Vigo e a que lle corresponde introducindo o seu enderezo.

Poden descargar a información completa e os Anexos pinchando en "7 adxuntos"

Na lista de libros cara o vindeiro curso 2016-2017, produciuse un erro no ISBN do libro de Lengua Castellana de 6º de Educación Primaria. O correcto é o seguinte: 978-84-698-0652-4

De todos xeitos, no arquivo adxunto pódese descargar a listaxe completa de libros co ISBN correxido.

Perdoen as molestias.

O vindeiro xoves  5 de maio de 2016 teremos unha charla informativa na biblioteca do colexio ás 18:00 h, impartida por expertos da Policía Nacional, sobre un tema que consideramos de gran importancia e actualidade na educación d@s nos@s nen@s: 

“ Riscos asociados a Internet e ás novas tecnoloxías”

Esta charla forma parte do “Plan Director para a convivencia e mellora da seguridade nos centros educativos e nos seus contornos”.

Esperamos que sexa do voso interese  e consideramos de gran importancia que asistades xa que é unha oportunidade de formación sobre un tema que preocupa a todos e todas.

Para poder levar a cabo esta actividade é preciso unha asistencia mímina de 20 persoas, polo que precisamos da vosa confirmación  antes do martes 3 de maio. 

A A.N.P.A porá a disposición dos pais e nais  do centro un espazo cun responsable para a atención e coidado dos nenos e nenas .