A FONDEVILA
desde o corazón do Foxo
A pesares de ser un Cazador de Fantasías...
A pesares de vir da grandiosa Berlín...
A pesares de pasear a súa pintura polo mundo adiante...
A pesares de todo isto...
Chegou ao noso cole do Foxo devagariño, caladiño, sen facer ruído,
timidamente, suavemente, como quen non quere a cousiña.
Entre as pingueiras da chuvia do Foxo
mollou o seu pincel
e coa maxia dos seus dedos
elaborou unha escolma coas cores d´outono
e un poema coas nosas palabras
e claro...
Claro!
asubiou o Vento,
marchou a Chuvia,
pasou o Frío,
e entrementres chegaba o Sol,
ensoñou para todos Nós
un Xardín de Esperanza e Cor...
desde o Corazón do Foxo...