Trátase dunha excelente oportunidade para traballar co alumnado contidos de uso, tratamento e produción de información, os denominados contidos ALFIN (Alfabetización Informacional) a través de pequenos proxectos de investigación. Esta sería unha intervención decidida a favor da competencia informacional do alumnado, integrada na chamada "competencia dixital", unha das chamadas competencias "clave" que agocha un complexo entramado de habilidades, destrezas, coñecementos e actitudes imprescindibles para se mover na sociedade da información.