Non hai moito que despedíamos o curso anterior e xa estamos comezando o seguinte. A partir do luns 2 de setembro o Colexio estará aberto no horario habitual, de 9 a 14h. Tamén nesa semana publicaremos as listaxes de material cos horarios e días de entrega, coñeceredes ao profesorado das diferentes clases, e teredes novamente información o máis actualizada posible. Xa sabedes que as clases empezan o mércores 11 ás 9h.

Encontraredes novidades importantes como a nova posibilidade de  acceso ao Colexio pola Av. dos Caídos, da que vos adiantamos unha foto neste artículo. Tamén a nova aula de música no andar superior e asubstitución dunha parte dos canalóns do edificio. Obras executadas principalmente grazas ao Concello da Coruña.