Este ano o alumnado participou no calendario de parede coas súas interpretación de cadros ilustres onde aparecen os xogos populares como tématica central da imaxe.

No arquivo adxunto podedes ver o resultado.

Estimadas familias; este ano retomamos o noso festival de nadal coa participación de tódolos grupos en dúas quendas:

• 21 de decembro para o alumnado
• 22 de decembro para as familias a partir das 12:00

Para poder organizar a asistencia das familias, facilitamos uns horarios aproximados para que teñades tempo para vir e ver ao voso/a fillo/a.

ORGANIZACIÓN

1. ☐ 12:00 4º Educación Infantil (3 anos) ”Din don dan”.

2. ☐ 12:15 5º Educación Infantil (4 anos) “Volver a casa por Nadal”.

3. ☐ 12:20 6º Educación Infantil (5 anos) “Apalpador”.

4. ☐ 12:30 1º e 2º Educación Primaria  ”Con un sombreiro de palla”.

5. ☐ 12:35 3º e 4º Educación Primaria  ”Joy to the world”.

6. ☐ 12:45 5º e 6º Educación Primaria  “Capitán mi capitán”, “Panxoliñas”.

Estimada comunidade educativa, queremos agradecer en nome da Fundación UNOENTRECIENMIL a vosa colaboración na VOLTA AO COLEXIO contra a leucemia infantil. 

Grazas a aportación solidaria da nosa comunidade poderán seguir investigando no estudo desta enfermidade.

Para máis información tedes a páxina web.

O 24 de outubro conmemórase o Día Internacional das Bibliotecas, pero... sabedes por que se celebra este día? Conmemórase desde o ano 1997, recordando a destrución da biblioteca de Sarajevo, na guerra dos Balcáns en 1992. Nesta guerra a biblioteca incendiouse, e perdéronse centenares de miles de libros, algúns de moito valor.

Desde o Ministerio de Cultura e Deporte programan unha serie de actividades e no seguinte enlace poderedes ver toda a información relacionada con esta conmemoración:

https://www.culturaydeporte.gob.es/cultura/areas/bibliotecas/mc/dia-bibliotecas-2022/presentacion.html

Ademais o cartaz deste ano, foi realizado por Xulia Vicente, ilustradora nada en Cariño. 

Na escola, tamén conmemoraremos esta data, cunha visita moi especial. Será o día 21 de outubro e compartiremos con Antón lecturas, xogos e moitas aprendizaxes.

Comezamos o programa PROA+ co alumnado de 5º e 6º de Educación Primaria.

Documentación PROA+ | Consellería de Cultura, Educación e Universidade (xunta.gal)

OBXECTIVOS DO PROGRAMA

O obxectivo do programa é o éxito escolar de todo o alumnado, facendo especial fincapé naquel en situación de vulnerabilidade educativa. Por iso, o programa concíbese como un mecanismo de axuda para a transformación dos centros que afrontan unha maior complexidade educativa durante o período 2021-2024.

Características e desenvolvemento do programa

O Programa PROA+ estrutúrase ao redor de cinco liñas estratéxicas de actuación, inspiradas nos principios pedagóxicos PROA+, sobre as que os centros terán que focalizar as súas actividades panca no Plan de mellora.

Liñas estratéxicas e ámbitos de actuación

1. Asegurar as condicións mínimas de educabilidade do alumnado. Alumnado vulnerable
2. Apoiar o alumnado con dificultades para a aprendizaxe. Alumnado vulnerable
3. Desenvolver actitudes positivas no centro Actitudes no centro
4. Mellorar o proceso de ensino-aprendizaxe daqueles aspectos das competencias básicas con dificultades de aprendizaxe. Procesos de ensinanzaaprendizaxe
5. Aplicar novas formas de organización e xestión do centro orientadas a mellorar o éxito educativo de todo o alumnado, contemplando infraestruturas estratéxicas e a mellora da calidade e estabilidade do profesorado ou profesionais que participen no desenvolvemento do programa. Centro e administración educativa