Xa estamos a voltas co entroido deste ano 2024 e aproveitando a proximidade dos xogos olímpicos, imos disfrazarnos de atletas de distintas modalidades deportivas.

Ante a posibilidade de choiva para o día do Entroido, este trasládase ao pavillón.

As familias entrarán no recinto do colexio ás 12:00 para situarse na grada do pavillón e nos laterais fóra da pista.

O alumnado irá entrando no recinto e se colocará nos espazos marcados para o desfile.

Ao rematar voltarán ás aulas cos/as titores/as e soamente poderá ser recollido o alumnado que entregou a autorización.

Éxito absoluto, grazas a toda a comunidade por participar nesta acción de vital importancia para a nosa cidade.

O  centro participará o martes 30 de xaneiro nunha carreira solidaria pola paz, onde recaudará alimentos para a Cociña Económica de Ferrol. 

O alumnado e profesorado sairá en quendas de tres participantes (EP6-EP3-EI4 / EP5-EP2-EI5 - EP4-EP1-EI6) e fará unha volta arredor do pavillón polideportivo coa entrega de 1 Kg dun alimento non perecedeiro por volta. 

Para lograr o noso obxectivo precisamos que as familias aportedes ese día un alimento non perecedeiro (leite, legumes, pasta, etc), que traeran pola mañá para depositar tras a carreira e para concienciar á comunidade educativa da importante labor que se fai dende a Cociña Económica.

Agradecemos a vosa colaboración. 

Radio Buxaina segue o seu camiño, aprendendo, paseniño a paseniño. Esta semana tocoulle ao grupo de 5º de primaria recibir unha sesión de formación por parte de Rede Espora. 

Despois dunha sesión teórica na aula, acudiron en grupo á biblioteca escolar, para realizar a gravación dun podcast. 

Foi un día intenso pero moi interesante, xa desexando gravar novas cousas!

Grazas a Rede Espora e, en concreto, a Denís, polo seu traballo. 

O alumnado ten o pracer de convidar ás familias o día 21 de decembro a partir das 12:00 ao festival de nadal que terá lugar no salón de usos múltiples. 

A entrada será pola porta principal e aquelas familias que desexedes sair despois dalgunha actuación, debedes facelo pola porta de saída de usos múltiples para permitir a entrada dos demáis.