Aínda que sabemos que un día só non é suficiente para proclamar a Paz, no cole de Leiro, a tarde do 30 de xaneiro foi dedicada a fomentala.
En primeiro lugar, tódolos nenos e nenas e mestres e mestras cantamos xuntos a canción "A Paz" composta polo profe de Música, José Antonio.
Logo, grandes e pequenos/as pasámolo xenial grazas a diferentes xogos cooperativos organizados polo mestre de Educación Física, Óscar.
E, por último, para esparexer bonitos desexos polo mundo, lanzamos dende o patio un grande globo cargado de mensaxes que tódolos alumnos/as e mestres/as escribimos nel. A encargada de botalo a voar foi Sofía, a máis peque do cole.
Un gran de area especial para que por todo recuncho reine a paz, non credes?
E...por certo...ata onde chegaría voando o noso globo?...
(Ver imaxes na galería)